Հրաչյա Ռոստոմյանն ամփոփեց 2017 թվականը

ՀՀ սպորտի և երիտասարդության հարցերի նախարար Հրաչյա Ռոստոմյանն ամփոփեց անցած 2017 թվականը:

Ռոստոմյանն ի մի բերելով անցած տարին, մասնավորապես, փաստեց. «Մենք անցած տարի ունեցել ենք մի շարք գերակա խնդիրներ: Դրանք են`ՀՀ բնակչության շրջանում ֆիզիկական կուլտուրայի և մասսայական սպորտի տարածումը, ազգային «Կոխ» ըմբշամարտի զարգացումը, երիտասարդների ներգրավվածության ընդլայնումը, սպորտային տուրիզմի զարգացման հայեցակարգի մշակումը, բակային մարզական միջոցառումների միջոցով Երևանում և ՀՀ մարզերում մասսայական սպորտի զարգացման խթանումը և այլն: Եղել են նաև ներդրումային ծրագրեր` ավարտված են Օլիմպավանի լողավազանի կառուցումը, Իջևանի քաղաքային համայնքի լողավազանի և հարակից շինությունների հիմնանորոգումը, Սիսիանի մարզադահլիճի վերանորոգումը և այլն»:

Ռոստոմյանը խոսեց նաև Եվրոպայի, աշխարհի առաջնություններում Հայաստանի նվաճած մեդալների մասին: Հայաստանն, ընդհանուր առմամբ, ունեցել է 201 մեդալ` 61 ոսկե, 49 արծաթե և 91 բրոնզե մեդալներ: «Մասսայական սպորտի առումով, 2016 թվականի հետ համեմատությամբ, մասնակիցների քանակը կրկնապատկվել է` 112 հազար մարդ: Վեց նոր մասսայական ծրագիր է ներդրվել»,-ասաց նախարարը: