ՀՀ ոստիկանությունը ներկայացրել է ՃՏՊ-ների փետրվարի 7-ի ամփոփագիրը

ՀՀ ոստիկանությունը ներկայացրել է ճանապարհատրանսպորտային պատահարների փետրվարի 7-ի ամփոփագիրը։

 ՀՀ ոստիկանության պաշտոնական կայքից տեղեկացավ, որ «փետրվարի 7-ին, ժամը 11.30-ին, անհայտ ավտոմեքենայի վարորդը Երևանի Մարգարյան և Ֆուչիկի փողոցների խաչմերուկում վրաերթի է ենթարկել 62-ամյա կնոջ, որը մարմնական վնասվածքներով տեղափոխվել է հիվանդանոց: 
Կատարվում է քննություն:

Փետրվարի 7-ին, ժամը 12.00-ին, «ՎԱԶ-2107» մակնիշի ավտոմեքենայի վարորդը Երևանի Արշակունյաց պողոտայի թիվ 25 շենքի մոտ վրաերթի է ենթարկել 29-ամյա տղամարդու, որը մարմնական վնասվածքներով տեղափոխվել է հիվանդանոց: 
Կատարվում է քննություն:

Փետրվարի 7-ին, ժամը 11.00-ին, «Օպել» մակնիշի ավտոմեքենայի վարորդը Երևանի Էրեբունու փողոցի թիվ 9 շենքի մոտ վրաերթի է ենթարկել 18-ամյա երիտասարդի, որը մարմնական վնասվածքներով տեղափոխվել է հիվանդանոց: 
Կատարվում է քննություն:

Փետրվարի 7-ին, ժամը 10.00-ին, Երևանի Գայի պողոտայի թիվ 16/45 հասցեի մոտ 67-ամյա մի տղամարդ թիվ 26 երթուղու ավտոբուսի տեղից շարժվելու ընթացքում իջնելիս վայր է ընկել և մարմնական վնասվածքներով տեղափոխվել հիվանդանոց: 
Կատարվում է քննություն:

Փետրվարի 7-ին, ժամը 8.00-ի սահմաններում, «ՎԱԶ-2115» մակնիշի ավտոմեքենան Սևան-Մարտունի-Գետափ ճանապարհի 15-րդ կմ-ին դուրս է եկել երթևեկելի գոտուց և բախվել քարերի:
Վարորդը և 2 ուղևորները մարմնական վնասվածքներով տեղափոխվել են հիվանդանոց: 
Կատարվում է քննություն:

Փետրվարի 7-ին, ժամը 18.20-ի սահմաններում, Սևան-Մարտունի-Գետափ ճանապարհի 58-րդ կմ-ին իրար են բախվել «ԲՄՎ», «ՎԱԶ-2110» և «Ֆոլքսվագեն» մակնիշի ավտոմեքենաներ:
Վարորդները և «ՎԱԶ-2110»-ի ուղևորը մարմնական վնասվածքներով տեղափոխվել են հիվանդանոց: 
Կատարվում է քննություն:

Փետրվարի 7-ին, ժամը 19.30-ի սահմաններում, «ՎԱԶ-21113» մակնիշի ավտոմեքենան Գեղարքունիքի մարզի Սեմյոնովկա գյուղի 1-ին փողոցի թիվ 36 տան դիմաց դուրս է եկել երթևեկելի գոտուց և ընկել ճամփեզրի առվակը. վարորդը մարմնական վնասվածքներով տեղափոխվել է հիվանդանոց: 
Կատարվում է քննություն:

Փետրվարի 7-ին, ժամը 9.00-ի սահմաններում, Աբովյան քաղաքի Սահմանադրության հրապարակում իրար են բախվել «Նիսան» և «Մերսեդես» մակնիշի ավտոմեքենաներ:
«Նիսան»-ի վարորդը մարմնական վնասվածքով տեղափոխվել է հիվանդանոց: 
Կատարվում է քննություն:

Փետրվարի 7-ին, ժամը 21.00-ի սահաններում, «ՎԱԶ-2121» մակնիշի ավտոմեքենայի վարորդը Երևան-Սևան ճանապարհի 10-րդ կմ-ին վրաերթի է ենթարկել 22-ամյա քաղաքացուհու, որը մարմնական վնասվածքներով տեղափոխվել է հիվանդանոց: 
Կատարվում է քննություն:

Փետրվարի 7-ին, ժամը 11.15-ի սահմաններում, Գյումրիի Գորկու փողոցի թիվ 3 հասցեի դիմաց անհայտ ավտոմեքենայի վարորդը վրաերթի է ենթարկել 19-ամյա քաղաքացուհու, որը մարմնական վնասվածքներով տեղափոխվել է հիվանդանոց: 
Ոստիկանության ծառայողների բացատրական աշխատանքների շնորհիվ նույն օրը, ժամը 19.30-ին, ոստիկանության Կումայրիի բաժին է ներկայացել 58-ամյա մի տղամարդ և հայտնել, որ «Միցուբիշի» մակնիշի ավտոմեքենայով քաղաքացուհուն վրաերթի է ենթարկել ինքը:

Փետրվարի 7-ին, ժամը 17.30-ի սահմաններում, Գյումրիի Շահումյան փողոցի թիվ 210/1 հասցեի դիմաց իրար են բախվել «Նիսան» և «ԳԱԶ-32213» մակնիշի ավտոմեքենաներ:
«ԳԱԶ-32213»-ի ուղևորը մարմնական վնասվածքով տեղափոխվել է հիվանդանոց: 
Կատարվում է քննություն:

Փետրվարի 7-ին, ժամը 14.00-ին, Երևանի Թբիլիսյան խճուղու թիվ 20/6 հասցեի մոտ իրար են բախվել «Մերսեդես» և «Ֆորդ» մակնիշի ավտոմեքենաներ:
«Մերսեդես»-ի վարորդը` 30-ամյա Վահե Շահումյանը, մարմնական վնասվածքներով տեղափոխվել է հիվանդանոց, որտեղ, գիտակցության չգալով, մահացել է, իսկ «Ֆորդ»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

Փետրվարի 7-ին, ժամը 22.00-ի սահմաններում, «Մերսեդես Բենց Ե-230» մակնիշի ավտոմեքենան Կապանի Մ.Ստեփանյան փողոցից Շինարարների փողոց տանող ճանապարհին դուրս է եկել երթևեկելի գոտուց և գլորվել ձորը:
Ուղևոր, 1982 թ. ծնված Արթուր Գևորգյանը, տեղում մահացել է, իսկ վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

Փետրվարի 8-ին, ժամը 1.20-ին, Երևանի Մաշտոցի պողոտայի և Արգիշտիի փողոցների խաչմերուկում իրար են բախվել «Օպել» և «Ռենո» մակնիշի ավտոմեքենաներ:
«Ռենո»-ի ուղևորը մարմնական վնասվածքներով տեղափոխվել է հիվանդանոց: 
Կատարվում է քննություն»: