Մեկնարկեց «Սփյուռք» ամառային դպրոցը
Սփյուռք
Հունիսի 25-ին կայացավ «Սփյուռք» ամառային դպրոցի հանդիսավոր բացումը: Դպրոցը հիմնել է ՀՀ սփյուռքի նախարարությունը Երևանի պետական համալսարանի հենքի վրա:
Ներկաներին ողջունեց և «Սփյուռք» ամառային դպրոցի մեկնարկն ազդարարեց ՀՀ սփյուռքի նախարար Հրանուշ Հակոբյանը: «Այսօր պատմական օր է: Պատմական, քանի որ առաջին անգամ ՀՀ նախագահի հանձնարարությամբ մեկնարկում է մի դպրոց, որն իր նպատակների իրագործմամբ մեծագույն ավանդ է ունենալու հայապահպանության գործում»,-նշեց նախարարը: Անդրադառնալով դպրոցի հինգ բաժիններին` նախարարն առանձնացրեց մայրենի լեզվի արագացված ուսուցումը, որը «հնարավորություն կտա Մայր Հայրենիքը դարձնել մայրենիի ուսուցման կենտրոն և մեր Սփյուռքի երիտասարդները հնարավորություն կունենան Հայրենքում մայրենին սովորել և արևմտահայերենով և արևելահայերենով»,-հավելեց Հ.Հակոբյանը:
Ներկաներին ողջունեց նաև ԵՊՀ ռեկտոր Ա.Սիմոնյանը:
Բացման հանդիսավոր արարողությանը ներկա էին պաշտոնատար անձինք, մշակույթի և գրականության գործիչներ, ԵՊՀ դասախոսներ և ուսանողներ:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
