Մանրամասներ` Գարո Փայլանի վրա հարձակման միջադեպից (տեսանյութ)
Տեսանյութեր
Ինչպես արդեն տեղեկացրել ենք` նախօրեին Ստամբուլում բողոքի ցույցի ժամանակ հարձակման էր ենթարկվել Թուրքիայի քրդամետ ընդդիմադիր «Ժողովուրդների դեմոկրատական կուսակցության» (HDP-ԺԴԿ) հայազգի պատգամավոր Գարո Փայլանը:
Տեղի հայկական «Ակօս» պարբերականի փոխանցմամբ, Ստամբուլում «Շաբաթօրյա մայրերի» ակցիայի ժամանակ Կարո Փայլանը փորձել է թույլ չտալ Հրանտ Դինքի որդու՝ Արատ Դինքի ձերբակալումը: Արդյունքում` Փայլանի ու նրա մի քանի կուսակիցների ջանքերի շնորհիվ ոստիկաններին, ի վերջո, չի հաջողվել բաժանմունք տանել Արատ Դինքին։
Ըստ պարբերականի, ոստիկանները ձերբակալել են ակցիայի 47 մասնակցի, նրանք, սակայն, այսօր արդեն ազատության մեջ են։
Նշվում է, որ «Շաբաթօրյա մայրերի» ակցիայի անցկացման համար կազմակերպիչները քաղաքապետարանից թույլտվություն չեն ունեցել, այնուամենայնիվ, որոշել են իրականացնել նստացույցը։
«Շաբաթօրյա մայրերի» նախաձեռնությունն իրենից ներկայացնում է 1980-90-ական թվականներին՝ քրդական շարժման լարված ժամանակաշրջանում կալանավորված ու բանտերում անհայտ կորած կամ քաղաքական սպանությունների զոհ գնացած անձանց մայրերի բողոքի ակցիաներ, որոնք անցկացվում են 1995-ից ի վեր ամեն շաբաթ օր՝ Ստամբուլի Գալաթասարայի վարժարանի դիմաց։
Նախօրեին «Շաբաթօրյա մայրերի» 700-րդ ակցիան էր։
Տեսանյութը` Ira Tzourou-ի:
ՈՒՂԻՂ ԵԹԵՐ
Ամենադիտված 
Մարիամ Փաշինյանը ներկայացել է նոր ֆոտոշարքով
