Հոլիվուդյան աստղ Դոն «Դրակոն» Ուիլսոնը՝ Վ.Գ. Պլեխանովի անվան ՌՏ համալսարանի Երևանի մասնաճյուղում (տեսանյութ)

Վ.Գ. Պլեխանովի անվան ռուսական տնտեսագիտական համալսարանի Երևանի մասնաճյուղն այս անգամ հյուրընկալել էր ԱՄՆ-ի մարտարվեստի լեգենդ ԴՈՆ «ԴՐԱԿՈՆ» ՈւԻԼՍՈՆԻՆ, ով Հայաստան էր ժամանել իր գործընկեր՝ Դուքենդո կարատեի ֆեդերացիայի նախագահ, մարտարվեստի գիտակ ու հայտնի դերասան Գոռ Վարդանյանի հրավերով։  

Այցն իրականացվել էր Վ.Գ. Պլեխանովի անվան ՌՏՀ Երևանի մասնաճյուղի Հոգաբարձուների խորհրդի նախագահ Արման Վարդանյանի նախաձեռնությամբ։

Աշխարհահռչակ դերասան, պրոդյուսեր, մարտարվեստի 11-անգամյա ԱՄՆ-ի չեմպիոն, 1990-ականների հոլիվուդյան աստղ, սիրված «Նինձյա» Դոն «Դրակոն» Ուիլսոնը հանդիպում ունեցավ ԲՈՒՀ-ի ուսանողների հետ, որոնց համար հանդիպումը, ելույթն ու ծավալված բուռն քննարկումները հաճելի անակնկալ էին ուսումնական եռուզեռի ու քննական թոհուբոհի շրջանում։ Հյուրը մանրամասն խոսեց իր անցած ճանապարհի, ամերիկյան, մասնավորապես՝ հոլիվուդյան իրականության որոշ առանձնահատկությունների, նույնիսկ իր անձնական օրակարգի, սննդակարգի և բոլոր այն հարցերի մասին, որոնցով հետաքրքրվեցին երիտասարդները։

Դոն «Դրակոն» Ուիլսոնը վերջում շնորհակալություն հայտնեց հրավերի համար, նշեց, որ տպավորված է Վ.Գ. Պլեխանովի անվան ՌՏՀ Երևանի մասնաճյուղի ուսանողների անգլերեն լեզվին տիրապետելու բարձր ունակություններով և հաջողություն մաղթեց նրանց քննական շրջանում։  

Անակնկալ միջոցառումն ավարտվեց ուսանողների հետ ֆոտոսեսիայով։