Ուկրաինայի շուրջ բանակցություններ․ ի՞նչ պայման է Փարիզը դնում Մոսկվայի առաջ Արտարժույթի փոխարժեքները Հայաստանում՝ այսօր Հրդեհ Իրաքի էլեկտրակայանում․ առնվազն 4 զոհ և 30 վիրավոր Ինչպե՞ս կարող է վերաբացվել Հորմուզը․ Թեհրանը ներկայացրել է իր 48-ժամյա ծրագիրը Օրվա խորհուրդ. նոյեմբերի 21 Երեք հրթիռ՝ Էր Ռիադի ուղղությամբ․ կոալիցիան հայտնել է դրանց խոցման մասին Հայաստանում քաղաքացիներն արդեն ստանում են նոր սերնդի կենսաչափական անձնագրերը․ ՆԳՆ Դեսպան Մկրտչյանը Մելանիա Թրամփի հրավերով ներկա է եղել նրա վավերագրական ֆիլմաշարի պրեմիերային «Զինվորականի պատիվը խայտառակ անողները դարձել են բանակի դեմքն ու հրաման տվողները»․ Աբրահամյան Իրանը ԱՄՆ-ից խաղաղության հստակ առաջարկ է պահանջում՝ Հորմուզը բացելու համար Ինչ իրավիճակ է ՀՀ ճանապարհներին Ուսուցիչների որքա՞ն թափուր հաստիք կա դպրոցներում 

«Ընդդեմ ցեղասպանության հանցագործության» 3-րդ գլոբալ ֆորումը Երևանում․ ՈՒՂԻՂ

Քաղաքական

Հայոց ցեղասպանությունից 103 տարի անց հայերն ապացուցել են ամբողջ աշխարհին, որ լույսը և բարին կհաղթեն: Այս մասին «Ընդդեմ ցեղասպանության հանցագործության» գլոբալ ֆորումի ժամանակ ասաց Հայաստանի Հանրապետության նախագահ Արմեն Սարգսյանը:

«Մարդկության հազարավոր տարիների ընթացքում ունեցել ենք ինչպես լույսի հաղթանակ, այնպես էլ չարության ապացույցներ: Պայքարը սևի ու սպիտակի, լույսի ու խավարի միջև մինչ օրս ակտիվ է: Համաժողովը, որն անցկացվում է և կոչվում է «Ընդդեմ ցեղասպանության հանցագործության», միտված է պայքարելու հենց այն չար կողմի դեմ, որ կա մարդկության մեջ»,- նշեց նախագահը:

Նա ընդգծեց, որ 21-րդ դարում՝ չափազանց արագ զարգացող իրադարձությունների ոլորանում ամեն բան, ինչ տեղի է ունենում մոլորակի վրա՝ չար կամ բարի, շատ արագ տարածվում է, ձևավորում է արմատներ, ունենում է հետևորդներ: «Ամենամեծ չարությունը՝ ցեղասպանության հանցագործությունը, ցավոք, նույնպես գտնում է սնուցման աղբյուրներ: Ակնհայտ է, որ դա չի դադարի գոյատևել, եթե չպայքարենք դրա դեմ»,- ընդգծեց Արմեն Սարգսյանը:

Նա ասաց, որ աշխարհում շատ քիչ վայրեր կան, որտեղ կարելի է անցկացնել նման համաժողով, և, ցավոք սրտի, դրանցից մեկը Հայաստանն է, քանի որ հայերը 20-րդ դարասկզբին ապրել են ցեղասպանության ցավը:

«Երբ մտածում էի, թե Հայաստանում ինչն է խորհրդանշում կատարվածը, դա նախ և առաջ Հայոց ցեղասպանության թանգարանն էր, նաև հուշարձանը, իսկ երկրորդը՝ հենց այս վայրն է՝ Մատենադարանը: Սրանք երկու տաճարներ են՝ մեկը ի հիշողություն նրանց, ովքեր կորան, վախճանվեցին ամենաչար վարքագծի Օսմանյան կայսրության գործողությունների հետևանքով, և մյուս կողմում Մատենադարանն է՝ լույսի տաճարն է՝ վայր, որտեղ մենք ասում ենք՝ այլևս երբեք: Մատենադարանն ասում է, որ լույսը ի վերջո միշտ կհաղթի տառապանքին, կյանքի կորստին, միլիոնավոր մարդկանց մահվան: Ես հավատացած եմ, որ լույսն ու բարին կհաղթեն: Սա այն վայրն է, որը պարունակում է ցեղասպանության շատ մեծ հիշողություն»,- ասաց ՀՀ նախագահը:

Նա նշեց, որ ցեղասպանությունը միայն մարդ սպանելը չէ, դա կազմակերպված հանցագործություն չէ, որը միտված է միայն ազգի, էթնիկ խմբի, հատուկ տարբերություններ ունեցող մարդկանց ոչնչացմանը: «Սա հակահանդուրժողական գործողություն է՝ միտված վերացնելու պատմություն, մշակույթ, արվեստ, գիտելիք: Այսինքն, այն շատ ավելի լայն արհավիրք է, ավելի մեծ ու ծանր հանցագործություն, քան պարզապես մարդկանց կորուստ»,- ընդգծեց նախագահը:

Արմեն Սարգսյանն իր ընտանիքի օրինակով պատմեց, թե ինչպես են հայերը ցեղասպանության արհավիրքի ժամանակ փրկել ամենաթանկը՝ գիրն ու գրականությունը: «Իմ տատիկը, ով Օսմանյան կայսրությունում ապրող հարուստ ընտանիքից էր, ցեղասպանությունը սկսելուն պես ամեն ինչ թողեց և հեռացավ: Երբ ես երիտասարդ էի, նա ինձ պատմում էր, որ ամեն բան թողեցին, որևէ բան, անգամ հագուստ կամ ոսկի չեն վերցրել, բայց վերցրել էր ամենաարժեքավոր բանը՝ տղային և Աստվածաշունչը: Դրանք էին այն երկու արժեքավորը, որոնց համար կյանքը կտար: Դժբախտաբար, որդուն կորցրեց Էջմիածնի ճանապարհին, բայց այդ լուսավոր Աստվածաշունչը բերեց: Այն մինչ օրս կա, պարունակում է ոչ միայն 450 տարվա պատմություն, այլև հիշողությունը կորցրած երեխայի, երեխայի, ով երբեք չմեծացավ, երբեք չափահաս չդարձավ, իր նպաստը չբերեց արվեստին, մշակույթին, բիզնեսին, քաղաքականությանը, երբեք երեխաներ կամ թոռներ չունեցավ: Սա ապրող հիշողություն է, լույսի տաճար»,- ասաց նա:

Նախագահը հայտարարեց, որ 103 տարի անց մենք ապացուցել ենք ամբողջ աշխարհին, որ լույսը, բարին կհաղթի, ապացույցը Հայաստանի Հանրապետությունն է, դրա ժողովուրդը: «Մենք փոքր պետություն ենք, բայց համաշխարհային ազգ: Ողջ աշխարհին հայերը հայտնի են որպես աշխատասեր, ազնիվ, շատ հայրենասեր մարդիկ, ովքեր ապրում են տարբեր երկրներում, այդ երկրների լավ քաղաքացիներ են, նպաստում են այդ երկրների հաջողությանը: Նրանք հոգու խորքում փայփայում են ցավը, սակայն միևնույն ժամանակ արժանապատվությունն ու հպարտությունը, որ մենք կարող ենք հաղթել չարին: Դրա ապացույցն է այս կառույցը, որը կարևոր արժեքներ է պահպանում, այնպիսի արժեքներ, որոնք պետք է վերացվեին, որոնք թիրախի տակ էին, սակայն չոչնչացվեցին»,- նշեց նախագահը:

Նա համաժողովի մասնակիցներին հայտարարեց, որ աշխարհի ամենածանր ու չար հանցագործությունն ապրող երկիրը՝ Հայաստանը, պատրաստ է իր ջանքերը ներդնել՝ հանուն լույսի և ընդդեմ չարի:

Հետևե՛ք Euromedia24-ին
Youtube-ում`
ԱՄՆ-ը հերքել է Իրանի Քեշմ կղզուն նոր հարված հասցնելու մասին տեղեկությունըՈւկրաինայի շուրջ բանակցություններ․ ի՞նչ պայման է Փարիզը դնում Մոսկվայի առաջԱրտարժույթի փոխարժեքները Հայաստանում՝ այսօր Թրամփը պաշտոնից հեռացրել է Սպիտակ տան կիբեռանվտանգության ղեկավարինՀրդեհ Իրաքի էլեկտրակայանում․ առնվազն 4 զոհ և 30 վիրավորՇվեդիան Ռուսաստանի դեսպանին կանչել է ԱԳՆ՝ Կիևի պայթյունի պատճառովԻնչպե՞ս կարող է վերաբացվել Հորմուզը․ Թեհրանը ներկայացրել է իր 48-ժամյա ծրագիրըՕրվա խորհուրդ. նոյեմբերի 21Թրամփը Լեհաստանում ռուսական հրթիռների հայտնվելը սխալ է անվանելԵրեք հրթիռ՝ Էր Ռիադի ուղղությամբ․ կոալիցիան հայտնել է դրանց խոցման մասինԶելենսկին խոստովանել է, որ Ուկրաինայի համար դժվար կլինի ձմռանըՀայաստանում քաղաքացիներն արդեն ստանում են նոր սերնդի կենսաչափական անձնագրերը․ ՆԳՆ ԻՀՊԿ-ն հայտարարել է Հորմուզի նեղուցում ամերիկյան անօդաչու թռչող սարքի ոչնչացման մասինԴեսպան Մկրտչյանը Մելանիա Թրամփի հրավերով ներկա է եղել նրա վավերագրական ֆիլմաշարի պրեմիերայինWP․ Հեգսեթը սահմանափակել է ԱՄՆ-ի և Կանադայի ռազմական համագործակցությունը«Զինվորականի պատիվը խայտառակ անողները դարձել են բանակի դեմքն ու հրաման տվողները»․ ԱբրահամյանԻրանը ԱՄՆ-ից խաղաղության հստակ առաջարկ է պահանջում՝ Հորմուզը բացելու համարԻնչ իրավիճակ է ՀՀ ճանապարհներինՄոլդովայի ընդդիմադիր գործիչը Սանդուին մեղադրել է ժողովրդավարությունը խաթարելու մեջՈւսուցիչների որքա՞ն թափուր հաստիք կա դպրոցներումՍաքսը Աբու Դաբիի բանակցությունների գլխավոր խոչընդոտ է համարում ՆԱՏՕ-ի ընդլայնումըԿկուն կանչե՞ց. որտեղի՞ց են գալիս Փաշինյանի նյարդայնության գրգիռներըՓոքր և միջին ձեռնարկությունների զարգացման հիմնադրամ կստեղծվի. նախագիծ300 հազար դրամ տուգանք՝ 700 միլիոնանոց «ջեքփոթի» դիմաց. ինչպես են համայնքային բյուջեները վերածվել ընտանեկան բիզնեսիՆախկին մարզպետի եղբայրը՝ ծառայության պետ Փաշինյանը պատրաստվում է սահմանադրական փոփոխությունների համար հանրային «մեծ գրոհի».ՔՊ-ականները վերջին ու հուսահատ ճիգերն են գործադրում Ծառուկյանը ԱԱԾ պադվալում հումորներ է անում Ավետ Կոնջորյանի «հարցով» դիմել են ՔՊ վարչությանը. կուսակցությունից կհեռացնե՞նՔՊ-ում զոնդաժ է արվում․ ինչպես ծախել սահմանադրության նախագիծըԵվրոպական բանակցություններից դեպի Մոսկվա․ ինչո՞ւ Փաշինյանը Պուտինի հետ հանդիպումից առաջ փոխեց դեսպանինԹրամփը հրամայել է կապալառուներին համակարգել Կոնգրեսին ներկայացված տվյալներըՖրանսիան Աբու Դաբիի բանակցությունների համար նոր պահանջ է ներկայացրելՄելանյա Թրամփը հույս ունի, որ Ուկրաինայում հրադադար կհաստատվի մինչև Սուրբ Ծնունդ Ռուսաստանն առաջարկել է Իրանից տեղափոխել միջուկային վառելիքի մի մասըԻտալիայում համընդհանուր գործադուլ․ հարյուր հազարավոր մարդիկ դուրս են եկել փողոցՄոլդովան հավանություն է տվել Ուկրաինայի հետ ռազմական համաձայնագրինՆԱՏՕ-ի հետախուզական անօդաչուն Սև ծովում կրկին կորցրել է կապըԱՄՆ-ը թույլատրել է Չինաստանին վաճառել 879 հազար AI չիպՊուտին․ Արևմուտքի աջակցությունը Ուկրաինային ծառայում է սեփական շահերինԴանիել Դևիս․ պատերազմի շարունակությունը կարող է կործանարար լինել Ուկրաինայի համարԲեռլինում հազարավոր երիտասարդներ դուրս են եկել փողոց՝ ընդդեմ զորակոչիՌուսական հրթիռներ՝ ՆԱՏՕ-ի տարածքո՞ւմ․ Լեհաստանը խոսում է սադրանքի մասին«Մոսադի» ղեկավարը Վաշինգտոնում կոչ է արել վերսկսել Իրանի դեմ հարվածներըՖիդանը քննադատել է ՆԱՏՕ-ին․ «Մեր անվտանգությունը Մերձավոր Արևելքում չի ապահովվել»Լոռու մարզի որոշ բնակավայրերում գազանջատումներ կլինեն Լագարդը զգուշացնում է Եվրոպային՝ կիբեռսպառնալիքները և տնտեսական ռիսկերը մեծանում են«Գրոսսին լրտես է»․ Իրանում պահանջում են արգելել միջուկային գործակալության ղեկավարի մուտքըԲրիտանիան հաստատել է կիբեռգործողությունները Ռուսաստանի և Չինաստանի դեմԳազայի համար խոստացված 17 միլիարդից 2 տոկոսն էլ չկա․ բանագնացը մեկնում է Մոսկվա
Ամենադիտված