Հայտնի են Հայաստանի՝ տարվա լավագույն ֆուտբոլիտն ու մարզիչը

Հայաստանի ֆուտբոլի ֆեդերացիան ամփոփել է «Տարվա լավագույն ֆուտբոլիստ» անվանակարգում 2018 թ. քվեարկության արդյունքները: Հավաքելով 171 միավոր` Հայաստանի 2018 թ. լավագույն ֆուտբոլիստ է ճանաչվել Հայաստանի ազգային հավաքականի և ղազախական «Ակտոբե»-ի կիսապաշտպան Մարկոս Պիզելլին: Այս մասին տեղեկացնում է ՀՖՖ-ի կայքը:

119 միավորով երկրորդ հորիզոնականում է Հայաստանի ազգային հավաքականի ավագ, անգլիական «Արսենալ»-ի կիսապաշտպան Հենրիխ Մխիթարյանը:

32 միավորով երրորդ տեղում է գերմանական «Յան Ռեգենսբուրգ» ակումբի հարձակվող Սարգիս Ադամյանը:

Հարցման արդյունքներին ամբողջությամբ կարող եք ծանոթանալ այստեղ:

Հայաստանի ֆուտբոլի ֆեդերացիան ամփոփել է նաև «Տարվա լավագույն մարզիչ» անվանակարգում 2018 թ. քվեարկության արդյունքները: Հավաքելով 70 միավոր՝ 2018 թ. լավագույն մարզիչ է ճանաչվել Երևանի «Փյունիկ»-ի գլխավոր մարզիչ Անդրեյ Տալալաևը:

60 միավորով երկրորդ հորիզոնականում է Հայաստանի ազգային հավաքականի գլխավոր մարզիչ Արմեն Գյուլբուդաղյանցը:

55 միավոր են հավաքել Գյումրիի «Շիրակ»-ի  գլխավոր մարզիչ Վարդան Բիչախչյանը և «Ալաշկերտ»-ի  գլխավոր մարզիչ Արամ Ոսկանյանը: Քվեաթերթիկներում առաջին տեղում ավելի շատ նշվել է Վարդան Բիչախչյանի անունը, որի շնորհիվ էլ հենց նա է զբաղեցրել երրորդ հորիզոնականը:

Հարցման արդյունքներին ամբողջությամբ կարող եք ծանոթանալ այստեղ: 

ԼՈւՐԵՐ.com-ի  տարվա լավագույն ֆուտբոլիստի ու մարզիչը առաջարկած եռյակը ունի հետևյալ տեսքը.

Լավագույն ֆուտբոլիստ

Մարկոս Պիզելի

Յուրա Մովսիսյան

Իվայլո  Դիմիտրով

Լավագույն մարզիչ

Արամ Ոսկանյան

 Իլշատ Ֆայզուլին

Վարդան Մինասյան