Ալավերդի-Վրաստանի սահման ավտոճանապարհը դեկտեմբերի 27-ին որոշ ժամանակով փակ է լինելու

Դեկտեմբերի 26-ին՝ ժամը 13:00-ին, «ԱԱԲ ՊՐՈԵԿՏ» ՍՊԸ ծրագրի ղեկավարի կողմից ստացված տեղեկության համաձայն՝ Մ-6 Ալավերդի-Վրաստանի սահման ավտոճանապարհի 1-ին կմ-ին առկա է քարաթափման վտանգ:

Շինարարական աշխատանքների իրականացման նպատակով ս.թ. դեկտեմբերի 27-ին՝ ժամը 15:00-ից 17:00-ն ընկած ժամանակահատվածում, իրականացվելու են պայթեցման աշխատանքներ, ինչի հետևանքով վերոնշյալ ճանապարհահատվածը որոշ ժամանակով փակ է լինելու երթևեկության համար: