Էդգար Մանուչարյանն անդրադարձել է լեգիոնականների սահմանափակման հարցին
Սպորտ
Հայաստանի ֆուտբոլի Հայաստանի ազգային թիմի և Երևանի «Ալաշկերտ»-ի ֆուտբոլիստ Էդգար Մանուչարյանն անդրադարձել է ներքին առաջնությունում լեգիոնականների սահմանափակման հարցին:
«Մենք բոլորս մեր կարծիքն ենք հայտնում հօգուտ մեր ֆուտբոլի: Այդ կարծիքները կարող են փրկել ֆուտբոլը, մեր երիտասարդ սերնդին, բայց մարդիկ` հանձին Աբրահամ Խաշմանյանի, ոչ միայն չեն հարգում ֆուտբոլիստներին, հանրության, կարծիքները ու գաղափարները, իրենց վերապահում են իրավունք վիրավորելու՝ անվանելով հիմարություն այն մարդկանց կարծիքներն ու գաղափարները, ովքեր ի սրտե ուզում են ինչ-որ բանով փոխել հայկական ֆուտբոլը անկումից: Խաշմանյանը դրանով ցածրացնում է ինքն իրեն։ Չեմ կարծում, որ նա անհանգստացած է հայկական ֆուտբոլի ապագայով, ես կողմ եմ, որ լինի քննարկում ու ամեն մեկն իր կարծիքը հայտնի ու ըստ կարծիքների՝ կարելի է ընտրել լավագույն տարբերակը, որը մեր ֆուտբոլը կտանի դեպի լավը»,- իր «Ֆեյսբուք»-ի էջում գրել է Մանուչարյանը:
Վերջին շրջանում մեծ քննարկվում է սկսվել Հայաստանի առաջնությունում լեգիոնականների սահմանափակման հետ կապված հարցի շուրջ: Հայաստանի ֆուտբոլի ֆեդերացիան նույնիսկ հատուկ հանձնախումբ է ստեղծել, որտեղ ընդգրկված են ազգային ակումբների ներկայացուցիչները:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
