IQOS-ի աշխատանքի սկզբունքը․ բացահայտումներ Коммерсант-ի լրագրողական խմբից
Այլ
Ռուսական հանրահայտ Կոմերսանտ պարբերականի գիտական հավելվածում տեղ գտած հոդվածն անդրադառնում է IQOS նորարարական արտադրանքին և դրա աշխատանքի սկզբունքին։
Ինչ է IQOS-ը:
Ֆիլիպ Մորրիսի R&D «Կոմերսանտ-Գիտություն» լրագրողական խմբին ցուցադրեցին համակարգի «բացվածքը»: Սա էլեկտրական սարք է, որը բաղկացած է երկու մասից `բռնիչ և լիցքավորիչ, այն օգտագործվում է հատուկ ծխախոտի գլանակների հետ մեկտեղ:
Բռնիչը գրիչի տեսք ունեցող մի սարք է, որի մեջ տեղադրվում է ծխախոտի գլանակը. այն պարունակում է վերամշակված ծխախոտ և ֆիլտր:
Ֆիլտրը բաղկացած է օղակաձև փաթաթած բիոպոլիմերային թաղանթից և մեզ ծանոթ զտիչից: Մետաղական սայրը, որը սնուցվում է վերալիցքավորվող մարտկոցով, տաքացնում է գլանակում դրված ծխախոտը: Սարքի գործարկման ժամանակ տաքացնող սայրը մշտապես վերահսկում է ծխախոտի ջերմաստիճանը: Ներքաշման ժամանակ ծխախոտային գլանակից անջատվում է աերոզոլ`այսպես կոչված ծխախոտային գոլորշի: Բռնիչն աշխատում է 6 րոպեների կամ 14 ներքաշման ընթացքում (որն առաջինը ավարտվի), համապատասխանում է մեկ սիգարետը ծխելու միջին տևողությանը:
Գործընթացի ավարտին բռնիչի վրա առկա լույսը հանգչում է, և ծխախոտային գլանակը կարելի է հեռացնել:
Մի քանի խոսք ծխախոտային գլանակի մասին: Ի տարբերություն սիգարետի, որը պարունակում է ծխախոտ (մանրացված ծխախոտաբույս), գլանակը պարունակում է հատուկ մշակված ծխախոտ, որը մանրացվում է
և դառնում ծխախոտային թերթիկ`ջրի, գլիցերինի, գուարամոլի եւ ցելյուլոզայի մանրաթելերի ավելացմամբ: Սիգարետի համեմատ գլանակը պարունակում է ավելի քիչ ծխախոտ (մոտ 320 մգ՝ 550-700 մգ-ի փոխարեն), ընդ որում՝ գլանակն ունի յուրահատուկ ֆիլտր, որը բաղկացած է երեք մասից`գոլորշին սառեցնելու համար նախատեսված պոլիմերային թաղանթից ու ցածր խտության ցելյուլոզայի ացետատից պատրաստված ֆիլտրից, խոռոչավոր ացետատային խողովակն առանձնացնում է ծխախոտաբույսը պոլիմերային ֆիլտրից:
Հումքի ու ֆիլտրերի նման կառուցվածքը IQOS-ի աշխատանքի հիմնական սկզբունքով է պայմանավորված. ծխախոտի տաքացում՝ այրման փոխարեն: Արդյունքում նիկոտինը, առանց այրման մատակարարվում է մարդու օրգանիզմ: Ճշգրիտ էլեկտրոնիկայի հսկողության ներքո սարքը տաքացնում է ծխախոտը մինչև 350 °C-ից ոչ ավել, ինչը շատ ավելի ցածր է սիգարետի այրման ջերմաստիճանից: Այսպիսով, սայր հիշեցնող տաքացնող տարրը կատարում է նաև ջերմաստիճանի սենսորի գործառույթ, ընկղմվում է ծխախոտի մեջ և հասցնում այն անհրաժեշտ ջերմաստիճանի (ի դեպ, ծխախոտաբույսի մեծ մասը տաքացվում է 250 °C-ից ոչ ավելի): Այս ջերմաստիճանը բավարար է գոլորշու ձևավորման համար, որը ներքաշվում է օգտվողի կողմից և ապահովում նիկոտինի բավարար չափաբաժին: Այս տեխնոլոգիան թույլ է տալիս նիկոտին արտազատել՝ գրեթե բացառելով քաղցկեղածինների ու այլ վնասակար նյութերի մեծ մասը, ինչպիսիք են, օրինակ, կոշտ ածխածնային
մասնիկները:
Ի դեպ, սարքի ներսում կայուն ջերմաստիճան ապահովելը հեշտ գործ չէր՝ խոստովանում են Ֆիլիպ Մորրիսում: Գիտնականները երկար ժամանակ գլուխ էին կոտրում և չէին կարողանում խնդրի լուծումը գտնել. ինչպես գլանակը տաքացնել ճշգրտորեն, առանց ձախողումների, կայուն ջերմաստիճան ապահովելով: Օգնության հասավ ավտոմոբիլային արդյունաբերությունը, որտեղ օգտագործվում են դիմադրողականության ջերմաչափեր: Հենց այդ ջերմաչափերի հիման վրա են աշխատում սրահի էլեկտրոնիկան վերահսկող ցուցիչները: Բանն այն է, որ ավտոմեքենայում տեղադրված շատ համակարգեր պահանջում են մշտական մոնիտորինգ, որպեսզի դրանց բաղադրիչները չվնասվեն բարձր հոսանքների և ջերմության ազդեցությամբ: Այս տեխնոլոգիան Ֆիլիպ Մորրիսի ինժեներները սկսեցին օգտագործել IQOS-ի արտադրության մեջ:
Արդյունքում ճշգրիտ էլեկտրոնիկան վերահսկում է տաքացման ջերմաստիճանը նշված տիրույթում, ինչի արդյունքում չկա ո՛չ ծուխ, ո՛չ կրակ, ո՛չ մոխիր:
Գիտական փորձերի անցկացման շնորհիվ Ֆիլիպ Մորրիսում ապացուցեցին, որ IQOS-ի օգտագործման ժամանակ ծխախոտի այրումը բացակայում է, ինչը թույլ է տալիս բացառել ածխածնի երկօքսիդի՝ վնասակար ու թունավոր գազի ձեւավորումը: Ստացված գոլորշին պարունակում է միջինում 90% ավելի քիչ վնասակար նյութեր, քան փորձագիտական նպատակներով օգտագործվող սիգարետի ծխում:
Միևնույն ժամանակ, առանց այրման աշխատող արտադրատեսակները համային ու հոտային հատկանիշներով գրեթե նույնական են սիգարետի հետ. նրանք ունեն սիգարետին նման զգայական ընկալումներ, նման է նաև ծիսակարգը, որը, ըստ փորձագետների հավաստման, սովորաբար շատ թանկ է ծխողների համար:
Ֆիլիպ Մորրիսի հետազոտությունների ու մշակումների կենտրոնում «Կոմերսանտ-Գիտության» լրագրողական խմբին ցուցադրվեց օդի Քեմբրիջյան ֆիլտրով փորձը. Փորձագիտական հատուկ մեքենայի միջոցով հստակ երևաց ծխախոտի ծխի և IQOS-ի արտազատած աերոզոլի տարբերությունը: Ի սկզբանե բոլորովին սպիտակ ֆիլտրերից մեկը ենթարկվեց ծխախոտի ծխի, մյուսը` Ծխախոտի ծխի ազդեցությունից հետո առաջինը ամբողջովին
դարչնագույն դարձավ: Սակայն IQOS-ի աէրոզոլի ազդեցության ներքո երկրորդը մնաց գրեթե սպիտակ:
Տպավորիչ է նաև գործարանը, որտեղ մեկ րոպեում արտադրվում է մոտ 8 հազար ծխախոտային գլանակ: Դա գրեթե անմարդաբնակ գործարան է. փաստորեն, միայն մի քանի մարդ հետևում է ամբողջ գործընթացին, մինչդեռ բոլոր աշխատանքները կատարվում են ավտոմատացված միջոցով: Միևնույն ժամանակ, գործարանի տարածքում մշտապես աշխատում են չորս ռոբոտներ, որոնց հետագծով մարդկանց քայլելն արգելված է: Հատկանշական է, որ բոլոր ռոբոտների անունները համաշխարհային կինոյի հայտնի հերոսների անուններն են, օրինակ՝ «3-CPO», «Wall-E» և այլն:
Տես նաև՝ Կոմերսանտ Մաս առաջին
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
