«Արսենալ»-ը նոր կիսապաշտպան է ցանկանում ձեռք բերել

«Սևիլիա»-ի կիսապաշտպան էվեր Բանեգան ամռանը կարող է համալրել Լոնդոնի «Արսենալ»-ի կազմը: Այս մասին տեղեկացնում է Mirror-ը:

Աղբյուրի տեղեկությունների համաձայն՝ ֆուտբոլիստով հետաքրքրված է լոնդոնյան թիմի գլխավոր մարզիչ Ունաի Էմերին:

Ակնկալվում է, որ տրանսֆերային արժեքը կկազմի 19 մլն եվրո: «Արսենալ»-ը չէր կարողացել գործարքն իրականացնել նախորդ տրանսֆերային պատուհանների ժամանակ` միջոցների պակասի պատճառով:

Նշենք, որ լոնդոնյան թիմը Անգլիայի առաջնության ընթացիկ մրցաշրջանում 50 միավորով  մրցաշարային աղյուսակի 5-րդ տեղում է: