Քաղաքացու օրն ու Անկախության տոնը համեմատելի են. Թագուհի Ղազարյան

Քաղաքացու օրը կառավարության օրը չէ, պետք չէ այն լապել կառավարությունում գտնվող մի խումբ մարդկանց հետ։ Այս մասին NEWS.am-ի հետ զրույցում ասաց ՀՀ ԱԺ «Իմ քայլը» խմբակցության պատգամավոր Թագուհի Ղազարյանը։

Քաղաքացու օրը, նրա համոզմամբ, պետք է լինի այն քաղաքացիների օրը, որոնք իշխանությունը վերադարձրեցին իրենց։ «Դա, իմ կարծիքով, կարեւոր իրադարձություն է, որը պետք է ինչ–որ կերպ նշել։ Քաղաքացու օրը չպետք է կապել մի խումբ մարդանց հետ, որոնք հիմա կառավարությունում են, որովհետեւ սա կառավարության օրը չէ, դա քաղաքացու օրն է»,–շեշտեց նա։

Պատգամավորի համոզմամբ՝ «Հանրապետական» կուսակցության անդամները եւս պետք է այդ օրը իրենց տոնը համարեն։

Նա կարծիք հայտնեց նաեւ, որ քաղաքացու օրը ամեն մեկը ինքը պետք է որոշի՝ ինչպես նշի. «Սակայն այն եւս մեկ առիթ պիտի լինի քաղաքացու իրավունքների, պետության մեջ նրա դերի ու նրա պարտականությունների մասին խոսելու համար»։

Հարցին՝ կիսո՞ւմ է ԿԳ նախարար Արայիկ Հարությունյանի տեսակետը, որ քաղաքացու օրը նշանակությամբ 2-րդ տոնն է անկախության տոնից հետո, Թագուհի Ղազարյանը պատասխանեց. «Անկախությունից հետո էլ մարդիկ կային, որ ասում էին ԽՍՀՄ–ի ժամանակ լավ է, սակայն նշում էին անկախության տոնը, որովհետեւ անկախությունը շրջադարձային է եղել իրենց եւ երկրի համար, այս առումով համեմատելի են այս իրադարձությունները, քանի որ շրջադարձային էին այն մի քանի շաբաթները, երբ քաղաքացու վստահությունն իր ուժերի նկատմմաբ վերածնվեց»։

Նյութն ամբողջությամբ՝ սկզբնաղբյուր կայքում։