Այս տեմպերով ես ու դուք չենք կարող Ամանորին խոզի կաշի ուտել. պատգամավորը՝ Փաշինյանին (տեսանյութ)

Այսօր՝ մարտի 28-ին, Ազգային ժողովի հերթական նիստի ընթացքում քննարկվող թեմաներից մեկն էլ Հայաստանում գյուղատնտեսության զարգացումն է։ Կառավարության հետ հարցուպատասխանիօ ժամանակ ԱԺ «Լուսավոր Հայաստան» խմբակցության պատգամավոր Սարգիս Ալեքսանյանը բարձրացրեց Տավուշի մարզում խոզերի գլխաքանակի անկման և կենդանիների հիվանդությունների հարցը։ Պատգամավորը հարցրեց՝ արդյո՞ք պետությունը չի փոխատուցելու մարդկանց վնասները, ապա կատակեց՝ «Եթե էսպես շարունակվի, Ամանորին ես և Դուք խոզի կաշի չենք ուտելու»։

Հարցին ի պատասխան վարչապետն ասաց. «Ամեն տարի նույն ուղղությամբ խոզերին բաց ենք թողնում, կենդանին վարակված գալիս է ու սատկում: Շատ լավ իմանալով, որ կենդանին վարակվելու է, 20 տարի շարունակ նույն ուղղությամբ ենք տանում։ Լավ, պետությունը կփոխատուցի, կառավարությունը կքննարկի, բայց իմաստը ո՞րն է»: 

Վարչապետը նշեց, որ խիստ անհրաժեշտության դեպքում փոխհատուցումներ կլինեն։

Տեսանյութը՝ News.am-ի։