ՀՖՖ-ն ազգային հավաքականի մարզչի փոփոխություն չի նախատեսում. Արթուր Վանեցյան
Սպորտ
Հայաստանի ֆուտբոլի ֆեդերացիան այս պահին ֆուտբոլի ազգային հավաքականի մարզչի փոփոխություն չի նախատեսում: Այս մասին լրագրողների հետ զրույցում ասաց Հայաստանի ֆուտբոլի ֆեդերացիայի նախագահ Արթուր Վանեցյանը:
«Այս պահին ֆուտբոլի ազգային հավաքականի մարզչի փոփոխություն Հայաստանի ֆուտբոլի ֆեդերացիան չի նախատեսում: Հավաքականի գլխավոր մարզիչ Արմեն Գյուլբուդաղյանցը նշանակվել է ոչ վաղ անցյալում, և այս պահին իր կատարած աշխատանքների համար դեռևս չեմ կարող ասել, որ ունենք 100 տոկոսանոց թերացում, ընդհակառակը, եթե նայում ենք պրոֆեսիոնալ աչքերով, ունենք բավական դրական տեղաշարժ, և կարծում եմ, որ մեր մարզչին քննադատելու փոխարեն պետք է ավելի շատ ոգեշնչենք և օգնենք և տանք այդ հնարավորությունը, որ կարողանա մեր հավաքականը բերել այն մակարդակին, որ ունենանք հաղթանակներ, իսկ հաղթանակները ֆուտբոլում, երևի թե, ամենակարևորն են»,- ասաց Արթուր Վանեցյանը:
ՀՖՖ նախագահը վստահեցրեց, որ դրական արդյունքներ լինելու են, սակայն դրա համար մի քիչ ժամանակ է պետք:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
