Ավտովթար Արագածոտնի մարզում. Nissan Lafesta-ն բախվել է հսկայական քարերին ու հայտնվել ձորում

Այսօր՝ հունիսի 30-ին, խոշոր ավտովթար է տեղի ունեցել Արագածոտնի մարզում: Nissan Lafesta մակնիշի 35 GA 737 համարանիշի ավտոմեքենայի վարորդը Երևան-Վանաձոր ավտոճանապարհի 48-րդ կմ հատվածում, դեպի Վանաձոր ընթանալիս, դեռևս անհայտ պայմաններում, դուրս է եկել ճանապարհի երթևեկելի գոտուց և մոտ 40 մետր հսկայական քարերին բախվելով՝ հայտնվել ձորում՝ քարերի վրա, հաղորդում է shamshyan.com-ը:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդն ու 3 ուղևորներ, որից երկուսը մանկահասակեր են, օպերատիվորեն դեպքի վայր ժամանած Արտակարգ իրավիճակների նախարարության փրակարար ծառայության Աշտարակի հրշեջ-փրկարարների, ճանապարհային ոստիկանության 2-րդ սպայական գումարտակի 2-րդ վաշտի ծառայողների ու քաղաքացիների օգնությամբ տեղափոխվել են Աշտարակի բժշկական կենտրոն: 

Դեպքի վայր են ժամանել ՃՈ 2-րդ սպայական գումարտակի 2-րդ վաշտի 1-ին դասակի ծառայողները՝ վաշտի հրմանատար Վաչե Մալաքյանի, դասակի հրաանատար Հրանտ Գալստյանի գլխավորությամբ: 

Գ. Շամշյանի տեղեկություններով՝ վիրավորները վարորդի կինն ու թոռնիկներն են: 

Մանրամասները` սկզբնաղբյուր կայքում