«Արսենալ»-ը հետաքրքրված է «Բարսելոնա»-ի ֆուտբոլիստով

Կատալոնյան «Բարսելոնա»-ի ֆուտբոլիստ Մալկոմը հնարավոր է կարիերան շարունակի Անգլիայի առաջնությունում:

Ինչպես տեղեկացնում է As-ը, ֆուտբոլիստի ծառայություններով հետաքրքրված են Լոնդոնի «Արսենալ»-ը ու «Տոտենհեմ»-ը:

Լոնդոնյան թիմերի ներկայացուցիչներն առաջիկայում կսկսեն բանակցությունները 22-ամյա բրազիլացու ձեռքբերման համար:

Ավարտված մրցաշրջանում Մալկոմը  կատալոնյան թիմի կազմում մասնակցել է 24 խաղի, խփել է 4 գոլ և կատարել 2 գոլային փոխանցում:
Ֆուտբոլիստի գործող պայմանագիրը «Բարսելոնա»-ի հետ ավարտվում է 2023թ-ի հունիսի 30-ին: