ՀՀԿ-ական պատգամավորի որդին բանակում «ռեյկետ» ու «բեզպրեդել» է անում

ՀՔԱ Վանաձորի գրասենյակը հերթական անգամ ստանում է անանուն նամակ ՀՀ զինված ուժերում առկա խնդիրների, մարդու իրավունքների եւ կանոնադրային հարաբերությունների խախտումների մասին:

Այսօր՝ 2012 թ. հուլիսի 26-ին, կազմակերպությունը էլեկտրոնային փոստով նամակ է ստացել ՀՀ զինված ուժերի զորամասերից մեկի շարքային զինծառայող Թաթուլ Գրիգորյանի կողմից զորամասում անօրինականությունների, բռնությունների, ճնշումների վերաբերյալ: Նշվում է, որ նա նույն զորամասի հրամանատարի տեղակալի (կոչումով գնդապետ) եղբոր տղան է, որը Հանրապետական կուսակցության անդամ, ՀՀ ԱԺ պատգամավորի որդի է:

Հիշեցնենք, որ 2012 թ. հուլիսի 19-ին կազմակերպությունը էլեկտրոնային փոստով ստացել էր առաջին անանուն նամակը սպայի կողմից, որտեղ վերջինս բողոքում է ՀՀ ԶՈՒ ԳՇ պետ Յուրի Խաչատուրովի որդու' 3-րդ բանակային կորպուսի հրամանատարի տեղակալ Գրիշա Խաչատուրովի և նրա «ախպերների» գործողություններից, խոսում նրանց կողմից գործադրվող ճնշումների և առհասարակ 3-րդ բանակային կորպուսի զորամասերում տիրող լարված իրավիճակի մասին:

Հաշվի առնելով վերոնշյալ նամակների բովանդակությունը՝ ՀՔԱ Վանաձորի գրասենյակը իր մտահոգությունն է հայտնում
3-րդ բանակային կորպուսում տիրող իրավիճակի մասին ահազանգերի կապակցությամբ, որը վկայում է ՀՀ զինված ուժերում ներքին բողոքարկման արդյունավետ մեխանիզմների բացակայության մասին:

Ելնելով ՀՀ զինված ուժերում նմանատիպ խնդիրների առկայությունից եւ դրանց ուղղությամբ լուծման անհրաժեշտությունից՝ պահանջում ենք ՀՀ պաշտպանության նախարարությունից շուտափույթ միջոցներ ձեռք առնել ոչ կանոնադրական հարաբերությունների հետեւանքով ստեղծված խնդիրների լուծման ուղղությամբ մեր կողմից նախկինում ներկայացված առաջարկությունների ներդրման ուղղությամբ:
Պատրաստակամ ենք մեր մասնակցությունն ունենալ ներքին բողոքարկման արդյունավետ, անկախ մեխանիզմների եւ ինստիտուտների ներդրման ուղղությամբ:

2012 թ. հուլիսի 26-ին կազմակերպության էլեկտրոնային փոստով ստացված նամակի բովանդակությունը.

Բարև Ձեզ, ուրեմն խնդիրը վերաբերվում ա բանակին, բայց հենց խնդիրն այն է որ դեպքը կապված չի սպայի հետ, այ զորամասում ծառայում են մոտ 16 զինվոր, նրանց թվում է նաև նույն զորամասի հրամանատարի տեղակալի գնդապետ զինկոչումով եղբոր տղան՝ շարքային Գրիգորյան Թաթուլը, շատ վատ ա էտ վաշտում վիճակը և ոչ ոք ոչինչ չի կարող անել, էտ զինվորը համարյա ամեն օր հարբում ա, գիշերվա ժամը 4-ին մտնում ա զորանոց, գոռում ա, մյուս զինվորներին քնից հանում ա, ջարդում, փշրում ա, սաղ վախի մեջ են քնում որ ինքը խմած ա լինում, ինչ կուզի կանի ինքը ՀՀԿ-ական ազգային ժողովի պատգամավորի տղա ա, ամեն ամսվա վերջ զինվորներից հավաքում ա իրանց հասանելիք 3400 դրամը, հոգեպես ճնշում ա, ինքը ամենակարողն ա, կարող ա խմած մտնի ու աթոռով խփի մեկի գլխին, մի անգամ գիշերվա 3-ին նույնիսկ զինվորներից մեկին կառավաթով հանել ա դուրսն ա դրել, մի խոսքով ահավոր վիճակ ա ու ոչ մեկ ոչինչ չի կարա անի, դե վերադաս հրամանատարությունը բնականաբար տեղյակ չի, իսկ վաշտի և դասակի հրամանատարները անկարող են, վախում են իրանից, ըտեղ մարդ կգժվի մինչև վերջացնի ծառայությունը: Զորամասի շտաբի պետը գեներել-գնդապետ ՅՈՒՐԻ ԽԱՉԱՏՈՒՐՈՎԻ որդին ա, Գրիշա Խաչատուրովը, ինքը խիստ հրամանատար ա, ու որ էտ մասին իմանա միջոցներ կձեռնարկի, բայց ոչ մեկ հնարավորություն ու ռիսկ չի անի իրան ասի, բայց ահավոր վիճակը ոնց կարելի ա ըտեղ ծառայել, էտ լարված վիճակում, վախի մեջ, ախր պոստերում ըտքան դեպք ա կատարվում, իսկ էտ հանգիստ զորամասում հլը ինչ ա կատարվում, ու նախարարությունում տեղյակ չեն որ հայկական բանակում նման բան ա կատարվում, ամբողջ Հայաստանում դա երևի միակ դեպքն ա, ինքը նույնիսկ ժամանակին խումար էր խաղում, կրվողին ուղարկում էր տուն, որ փողը բերի, էղել ա նույնիսկ 300.000 դրամ, ախր ինչ Կարելի ա անել գիտեք բանակ ա զինվորներից ոչ ոք չի կարա գնա բողոքի, ուղակի ինքը ցանկացած վատ սպայից էլ վատն ա, չգիտեմ երևի չեք պատկերացնի, բայց շատ եմ խնդրում մի բան գոնե դուք ձեռնարկեք, միայն ձեզ կարողացա դիմեմ, ինքը որ էս զորամասից տեղափոխվի բոլորի համար լավ կլինի, հանգիստ կծառայեն կգնան իրանց տուն: Գիտեք էսի էն դեպքերից չի, որ բանակում մեկը մյուսին նեղում ա, փող ա վերցնում, էսի ուրիշ ա, ինքը «պռախոդ ա» ինչ ուզում անում ա, ու ոչմեկ ռիսկ չի անում մի բան ասի, կամ ձեռնարկի, խնդրում եմ մի բան արեք, օգնեք: Ախր ոնց կարա բանակում ըտենց բան լինի, ոնցոր բերդ լինի, որ խմած ա ըլնում պիվաա ուզում որտեղից ուզում ա ճարեն բերեն որ չմտնի վաշտ ու կռիվ անի, ու ինքնէլ զինվոր ա, հույսով մի բան կանեք, սենց անհնարա ա, վերջը ինչ կլինի, էտի գնա սաղ պրծնեն: