Ավարտին է մոտենում մրցույթների հայտերի ընդունման վերջնաժամկետը

Ավարտվում է ՀՀ սփյուռքի նախարարության և Համաշխարհային հայկական կոնգրեսի 2011թ.-ի՝ «Հայապահպանության գործում ունեցած նշանակալի ավանդի համար» համահայկական ամենամյա մրցանակաբաշխության «Մայրենիի լավագույն ուսուցիչ», «Լավագույն երիտասարդական կազմակերպություն», «Կտոր մը Հայրենիք» երիտասարդական հայագիտական հետազոտությունների, շարադրությունների, ստեղծագործությունների մրցույթների հայտերի ընդունումը, վերջնաժամկետը ս.թ. նոյեմբերի 30-ն է:

Ձևավորվել են մրցութային համապատասխան հանձնաժողովները որոնք հայտերի գնահատման աշխատանքները կսկսեն դեկտեմբերի սկզբից: Դեկտեմբերի կեսերին հայտնի կդառնան, իսկ տարեվերջին կամփոփվեն մրցույթների արդյունքները:

Ս.թ. նոյեմբերի 29-ի դրությամբ ստացվել է 47, 20, 21 հայտ՝ աշխարհի 15 երկրից, այդ թվում` Հայաստանից և Արցախից: