Կոնգրեսի Ներկայացուցիչների պալատում թուրքական բարեկամական խմբի 107 անդամներից միայն 6-ն են դեմ քվեարկել ցեղասպանության բանաձևին

Ներկայացուցիչների պալատում թուրքական բարեկամական խմբի 107 անդամներից միայն 6-ն են դեմ քվեարկել ցեղասպանության բանաձևին: Այս մասին Ֆեյսբուքի իր էջում գրել է ամերիկագետ Սուրեն Սարգսյանը:

Գրառումն ամբողջությամբ՝ ստորև.

«Կոնգրեսի Ներկայացուցիչների պալատում թուրքական բարեկամական խմբի անդամների քանակը (Members of the Caucus on U.S.-Turkey Relations & Turkish Americans) կազմում է 107 կոնգրեսական:

Ցեղասպանության բանաձևին ընդամենը 11 դեմ քվեարկություն, որոնցից միայն 6-ն են այդ խմբի անդամ:

Սա այն ամենն է, ինչ պետք է հասկանալ հայկական համայնքի և կազմակերպությունների կողմից տարված ծանրագույն աշխատանքի մասին»: