ՌԴ-ում հարբած վարորդը «ԳԱԶել»-ով մխրճվել է Հայաստանից մեկնած բեռնատարի մեջ (լուսանկարներ)

Հայաստանից Մոսկվա մեկնող խոշոր բեռնատարի մասնակցությամբ վթար է տեղի ունեցել ՌԴ Արմավիր քաղաքի մոտակայքում: Ինչպես տեղեկացնում է MAMUL.am-ի աղբյուրը, M4 մայրուղու վրա Նովոկուբանսկ քաղաքից դուրս եկող «Գազել»-ը, առանց հաշվի առնելու «Կանգ առ» ազդանշանը, երկրորդական ճանապարհից մեծ արագությամբ հարվածել է գլխավոր ճանապարհով ընթացող «Էդ Տրանս» ՍՊԸ-ին պատկանող «DAF» բեռնատարին: «Գազել»-ն առանց պետհամարանիշերի է եղել, վարորդն ու 3 ուղևորները եղել են ալկոհոլի ազդեցության տակ: Նրանք տեղափոխվել են հիվանդանոց, որտեղ այս պահին ճշտվում է «Գազել»-ի վարորդի խմածության աստիճանը: Ըստ մեր ունեցած տեղեկությունների՝ բեռնատարի հայ վարորդը չի տուժել, սակայն ավտոմեքենան շահագործման այլևս ենթակա չէ։