Newspress.am-ի հիմնադիրն ու մոսկվայաբնակ գործարարը Հայաստանում հիմնադրեցին «Պարգևիր ժպիտ» բարեգործական հիմնադրամը (ֆոտոշարք)

Դեկտեմբերի 3-ին «Ալեքսանդր» հյուրանոցում տեղի ունեցավ «Պարգևիր ժպիտ» բարեգործական հիմնադրամի հանդիսավոր բացման արարողությունը։ 

Միջոցառմանը ողջույնի խոսքով հանդես եկան «Պարգևիր ժպիտ» բարեգործական հիմնադրամի հիմնադիր և գործադիր տնօրեն Արմենուհի (Արիանա) Հովսեփյանը, հիմնադիր Ալբերտ Հարությունյանը և հոգաբարձուների խորհրդի անդամ Գարիկ Սահակյանը։

Միջոցառման շրջանակում ներկաները ծանոթացան հիմնադրամի ծրագրերին ու համագործակցության շուրջ հարցեր քննարկեցին միմյանց հետ։ Միջոցառմանը հաջորդեց նաև հյուրասիրություն:

Հիմնադրամի կազմակերպած միջոցառմանը հրավիրված էին Ազգային ժողովի պատգամավորներ, ՀՀ կառավարության անդամներ, մշակութային գործիչներ ու այլ պաշտոնատար անձինք։

Հիմնադրամի մասին.

«Պարգևիր ժպիտ» հիմնադրամի շահառուներն են հանդիսանում Հայաստանի և Արցախի Հանրապետությունների սոցիալապես անապահով ընտանիքների անդամները, շնորհալի երեխաները, իրավաբանական անձ հանդիսացող ծերանոցները: Հիմնադրամի նպատակն է բարեգործական աջակցություն ցուցաբերել հատկապես երեխաների` մշակութային, կրթական, գիտական, առողջապահական, սոցիալական և այլ բնագավառներում:

Նախատեսվում են նաև տարբեր ոլորտներում իրականացնել տարաբնույթ ծրագրեր` ՀՀ և Արցախի բնակավայրերի սոցիալապես անապահով ընտանիքներին ու ծերանոցներին աջակցելու նպատակով:

Հետագայում, անհրաժեշտության դեպքում, հիմնադրամը Հայաստանի Հանրապետության մարզերում և Արցախում կարող է ստեղծել մասնաճյուղեր և ներկայացուցչություններ, ինչպես նաև հիմնարկներ, որոնք կգործեն Հիմնադրամի անունից։

Հիմնադրամի անվանումները՝ 3 լեզվով

• «Պարգևիր Ժպիտ» բարեգործական հիմնադրամ
• Ռուսերեն ամբողջական՝ БЛАГОТВОРИТЕЛЬНЫЙ ФОНД «Подари улыбку»
• Անգլերեն ամբողջական՝ «Give Smile» CHARITABLE FOUNDATION

Հիմնադրամի խորհրդանիշը

Ձեռքի բացված ժպտացող ափ է: Այսինքն` ժպիտ պարգևող ձեռք, իսկ ձեռքի հետևում արևն է: