Գնացեք գրադարան, կարդացեք ու իմացեք, թե ով է եղել Նժդեհը. Զատուլին
Հասարակություն
«Московский Комсомолец» թերթում հրապարակվել է ՌԴ պետդումայի ԱՊՀ հարցերով հանձնաժողովի նախագաի տեղակալ Կոնստանտին Զատուլինի «Հաճախակի գնացեք գրադարան» վերտառությամբ հոդվածը, որը վերաբերում է Գարեգին Նժդեհին:
Զատուլինը դատապարտել է Ռուսաստանում Նժդեհի հուշատախտակի պղծումը՝ միևնույն ժամանակ հայտարարելով, որ Հայաստանի ազգային հերոսի նկատմամբ արշավը նախաձեռնվել է Ադրբեջանի կողմից ու ուղղորդվում է հենց բաքվից:
Ռուս պատգամավորի խոսքերով, ադրբեջանական կողմը Նժդեհի խաղաքարտն օգտագործում է Հայաստանի և Ռուսաստանի միջև հարաբերությունները լարելու համար, սակայն ոչ մի վայրկյան պետք չէ կասկածել Նժդեհի հերոսության հարցում:
Նա նշել է, որ Նժդեհին Հայաստանում հերոս համարում են Առաջին աշխարհամարտի տարիներին ծավալած գործունեության և Թուրքիայի դեմ պայքարի համար:
«Երբ հաջորդ անգամ ինչ-որ մեկը ներկ վերցնի ձեռքը, թող իմանա, որ ավելի լավ է գնա գրադարան»,-ասել է Զատուլինը:
Ռուս պատգամավորը նաև հավելել է, որ Նժդեհը հիմքեր ունեցել է չվստահելու բոլշևիկներին, ովքեր գործարքի են գնացել Աթաթյուրքի հետ, ինչի արդյունքում Թուրքիային է բաժին հասել հայկական Կարսը, Արդահանը, Բայազետը և այլ տարածքներ:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
