Հիանում եմ Զիդանով. Գվարդիոլա

«Մանչեսթեր Սիթի»-ի գլխավոր մարզիչ Խոսեպ Գվարդիոլան անդրադարձել է «Ռեալ»-ի գլխավոր մարզիչ Զինեդին Զիդանին և նշել, որ միշտ ցանկացել է խաղալ Զիդանի հետ:

«Միշտ երազել եմ խաղալ Զիդանի հետ: Կցանկանայի նրա հետ խաղալ «Յուվենտուս»-ում: Կարծում եմ` նա անհավանական մարդ է: Հիանում եմ Զիդանով: Իսկապես հիանալի է, որ ֆուտբոլում նրա պես մարդիկ կան: Ուրախ կլինեմ նրան կրկին տեսնել»,- Գվարիդոլայի խոսքը մեջբերում է Football Italia-ն:

Նշենք, որ Չեմպիոնների լիգայի 1/8 եզրափակիչ վիճակահանության արդյունքում Զիդանի և Գվարդիոլայի թիմերը կհանդիպեն միմյանց:

 «Ռեալ» — «Մանչեսթեր Սիթի» առաջին հանդիպումը կկայանա 2020թ-ի փետրվարի 26-ին` Մադրիդում, պատասխան խաղը մարտի 17-ին` Մանչեսթերում: