5-ամյա ռուս աղջնակը հայտնվել է ամենից բարձր վարձատրվող բլոգերների եռյակում (տեսանյութ)

Forbes-ը հրապարակել է 2019 թվականի ամենից բարձր վարձատրվող YouTube-յան բլոգերների ցանկը, որի երրորդ տեղը զբաղեցնում է Կրասնոդարի երկրամասի Տուապսե քաղաքից 5-ամյա Նաստյան, ով մեկ տարվա ընթացքում վաստակել է 18 միլիոն դոլար:

Աղջնակի ընտանիքը սոցցանցերում ունի մի քանի բլոգ, որոնց ընդհանուր հետևում է 107 միլիոն մարդ:  Like Nastya Vlog յութուբյան ալիքն ունի 42 միլիոն հետևորդ: Այդ ալիքում հրապարակվում են տեսանյութեր, որոնցում Նաստյան գնում է դպրոց, զարդարվում է կամ խաղում:

Այժմ փոքրիկն ընտանիքի հետ ապրում է ԱՄՆ  Ֆլորիդա նահանգում: Նա համագործակցում է այնպիսի հայտնի կազմակերպությունների հետ, ինչպիսիք են Dannon-ը և Legoland-ը:

Երկրորդ հորիզոնականում է հայտնվել  Dude Perfect հումորիստական բլոգը, որի հեղինակները տարեկան 20 մլն դոլար են վաստակում:

Իսկ առաջին տեղը Forbes-ի աղյուսակում երկրորդ տարին անընդմեջ զբաղեցնում է 8-ամյա ամերիկացի Ռայան Կաջին, որի Ryan's World ալիքը տարեկան 26 մլն դոլարի եկամուտ է բերում: