Բռնցքամարտի «Կաշվե ձեռնոց» մրցաշարի հաղթողները հայտնի են

Մեկշաբաթյա պայքարից հետո հայտնի են բռնցքամարտի «Կաշվե ձեռնոց» մրցաշարի բոլոր հաղթողները, ովքեր կմրցեն Օլիմպիական խաղերի ուղեգրերի համար:

«Դինամո» մարզահամալիրում կայացած եզրափակիչներից հետո ըստ քաշային կարգերի չեմպիոններ դարձան Կորյուն Սողոմոնյանը (52 կգ), Արթուր Բազեյանը (57 կգ), Հրայր Շահվերդյանը (63 կգ), Արմեն Մաշակարյանը (69 կգ), Արման Դարչինյանը (75 կգ), Գոռ Ներսիսյանը (81 կգ), Հենրիկ Սարգսյանը (91 կգ) և Գուրգեն Հովհաննիսյանը (91+):

Հավաքականը հաջորդ տարվա մարտ ամսից սկսած կպայքարեն Տոկիոյի 32-րդ ամառային Օլիմպիական խաղերի քվոտաների համար: