Պլանավորած օպերացիա կամ «արջի ծառայություն». Քոչարյանի որդին մեկնաբանել է տեսանյութը
Բլոգոսֆերա
ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը, ֆեյսբուքյան իր էջում հատված է ներկայացրել իր տված հարցազրույցից, որում մասնավորապես ասվում է.
«Տեսանյութից, կարծում եմ, հասկացել եմ, թե ով է այդ աջակիցը: Նա՝ որպես աջակից, հայտնվել է մոտ 3 ամիս առաջ, հայտնել է պատրաստակամություն պայքարելու այս անարդարության դեմ, իր ընկերների և համախոհների հետ միասին: Ճիշտ այնպես, ինչպես հիմնականում նաև մյուսներն են միացել: Եթե տեսանյութի պարունակությունը իրականություն է, ապա սա չափազանց մտահոգիչ է: Մեր ընտանիքի որևէ անդամ երբևէ որևէ մեկի միջոցով` ներառյալ այդ տղայի, չի փորձել և նպատակ չունի փոխել որևէ ցուցմունք: Ինչպես հայրս է հայտարարել՝ չկա ցուցմունք, որը մենք կուզեինք չլիներ կամ փոխվեր: Ես խստագույնս դատապարտում եմ և հորդորում` իրենց՝ մեր աջակիցը համարողներին, մեզ նման «արջի» ծառայություններ չփորձել մատուցել: Չեմ ուզում շտապել, բայց նաև չեմ բացառում, որ այս ամենն ամիսներ առաջ պլանավորած օպերացիա էր: Սա իշխանությունների ընտրած ճանապարհն է և այս «աննախադեպ բացահայտումը» հատուկ արվում է այն ժամանակ, երբ դատավորը խորհրդակցական սենյակում է»:
ՈՒՂԻՂ ԵԹԵՐ
Ամենադիտված 
Կրակոցներ՝ Երևանում. կա զոհ. դեպքի վայրում հայտնաբերվել է «Mercedes G» մակնիշի ավտոմեքենա
