Կտրականապես դեմ եմ գաղութային արատավոր ավանդույթներին. ՔԿԾ պետ
Իրավունք
Քրեակատարողական ծառայության պետ Արթուր Գոյունյանը պաշտոնում նշանակվելուց հետո առաջնահերթ գույքագրել է առկա վիճակը, որպեսզի մշակվի համակարգի հետագա զարգացման տեսլականը և բարեփոխումների իրականացման ծրագիրը:
ԱՆ քրեակատարողական ծառայության կենտրոնական մարմնում դեկտեմբերի 20-ին տեղի ունեցած մամուլի ասուլիսի ժամանակ Գոյունյանը տեղեկացրեց, որ կատարված դիտարկումների և ուսումնասիրությունների արդյունքները վկայել են, որ առկա հիմնախնդիրները պայմանականորեն կարելի է բաժանել երկու խմբի:
«Առաջինը` քրեակատարողական ծառայողների կողմից ծառայությունը կրելու կարգն ու պայմանները սահմանող օրենսդրական և ենթաօրենսդրական ակտերի պահանջների խախտելը, երկրորդը` կալանավորված և դատապարտված անձանց կողմից կալանքի տակ մնալու պատժի կրումը սահմանող օրենսդրական և ենթաօրենսդրական իրավակարգավորումների պահանջները պարբերաբար խախտելը: Հիշյալ խմբի խախտումները հիմնականում համակցվել են բացահայտ և քողարկված կոռուպցիոն բնույթի և այլ հակաիրավական ռիսկերով և դրսևորումներով, որոնք հաճախ ունեցել են նաև շղթայական սխեմատիկ զուգորդումներ: Դրա ապացույցներից են վերջին ժամանակահատվածում կոռուպցիոն բնույթի մի շարք առերևույթ հանցագործությունների հատկանիշներով քրեական գործերի հարուցումը, ներկա և նախկին պաշտոնատար անձանց նկատմամբ քրեական հետապնդման իրականացումը»,- ընդգծեց Գոյունյանը:
ՔԿԾ պետի խոսքով` նշանակման առաջին օրվանից համակարգում շեշտել է իր վճռականությունը, որ կտրականապես դեմ է, այսպես կոչված, գաղութային արատավոր ավանդույթներին:
«Անձամբ հետամուտ եմ լինելու, որ պետական միջոցների անօրինական անարդյունավետ և ոչ նպատակային տիրապետման, տնօրինման և օգտագործման ցանկացած ռիսկեր արժանանան համապատասխան արձագանքի և պատժի»,- եզրափակեց նա:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
