Դատարանը հեռացավ Ռազմիկ Աբրահամյանին կալանավորելու հարցը քննելու

Երևանի ընդհանուր իրավասության դատարանի Շենգավիթի նստավայրում  ավարտել է երեխաների ապօրինի որդեգրման գործով գլխավոր մեղադրյալ, Հանրապետական ծննդատան տնօրեն Ռազմիկ Աբրահամյանին կալանավորելու միջնորդության քննությունը: Դատարանը հեռացել է խորհրդակցական սենյակ:

Ռազմիկ Աբրահամյանի պաշտպան Սամվել Դիլբանդյանի ասելով՝ որոշումը ամենայն հավանականությամբ, կլինի վաղը, իսկ  Ռազմիկ Աբրահամյանի առողջական վիճակը շատ ծանր է, հսկողության տակ է:

Արդեն հայտնել ենք, որ դատական նիստին ներկա է եղել նաեւ Ռազմիկ Աբրահամյանը։ Նա նշել է, որ իրեն վատ է զգում, իսկ ծննդատները հարցի հետ որևէ առնչություն չունեն:

Նշենք, որ Ռազմիկ Աբրահամյանին մեղադրանք է առաջադրվել քրեական օրենսգրքի 167-րդ հոդվածի 2-րդ մասի 2-րդ կետով (Ծնողներից երեխային ապօրինի բաժանելը կամ երեխային փոխելը) և 200 հոդվածի 3-րդ կետով (առեւտրային կաշառք), իսկ Ռազմիկ Աբրահամյանին կալանավորելու միջնորդությունը  քննում է դատավոր Դավիթ Բալայանը: