«Լիվերպուլ»-ը Վան Դայկի և Սալահի գոլերի շնորհիվ հաղթեց «Մանչեսթեր Յունայթեդ»-ին

 Անգլիայի ֆուտբոլի առաջնության Պրեմիեր լիգայի 23-րդ տուրի կենտրոնական խաղում «Լիվերպուլ»-ը սեփական հարկի հակ հյուրընկալեց «Մանչեսթեր Յունայթեդ»-ին:

«Լիվերպուլ»-ը հանդիպման 15-րդ րոպեին անկյունային խաղարկումից հետո առաջ անցավ հաշվի մեջ: Գլխի շեշտակի հարվածով «Մանչեսթեր Յունայթեդ»-ի դարպասը գրավեց Վիրջիլ Վան Դայկը: Հետագայում «Լիվերպուլ»-ը կարողացավ երկու անգամ գրավել մրցակցի դարպասը, սակայն կամ կանոնների խախտման գնով, կամ խաղից դուրս իրավիճակից և մրցավարը չհաշվեց դրանք:

Երկրորդ կեսում հիմնականում և սուր գրոհներ կազմակերպում էր «Լիվերպուլ»-ը: Վերջիններիս գնդակին տիրելու առավելությունը 58/42-ի էր: Ի վերջո, հանդիպման վերջնամասում Մուհամեդ Սալահը խփելով «Լիվերպուլ»-ի երկրորդ գնդակը հաղթանակ բերեց տան տերերին` «Լիվերպուլ»-«Մանչեսթեր Յունայթեդ» 2:0:

Այս հաղթանակից հետո «Լիվերպուլ»-ը շարունակում է մեծացնել միավորների առավելությունը երկրորդ տեղում ընթացող «Մանչեսթեր Սիթի»-ի նկատմամբ: Յուրգեն Կլոպի գլխավորած թիմն այժմ ունի 64 միավոր: