Քննադատական նյութեր հրապարակելով՝ հայտնվում ենք իշխանությանը սիրահարված մասսայի թիրախում. Արմինե Օհանյան

«Վերջին երկու տարիներին գործող իշխանությունն անընդհատ հպարտանում է, որ մամուլը երբեք այնքան անկախ չի եղել, որքան հեղափոխությունից հետո: Ես նման հայտարություներին միշտ ասում եմ, որ այդ մասին պետք է խոսեն  լրագրողները և հատկապես՝ խմբագիրները, քանի որ մեզ համար պատկերն այլ է»,- նման տեսակետ հայտնեց «Հրապարակ» օրաթերթի գլխավոր խմբագիր Արմինե Օհանյանը՝ «Մամուլի հետհեղափոխական մարտահրավերները. սպասելիքներ և անելիքներ» թեմայի քննարկման ժամանակ:

Նա նշեց, որ վերջին մի քանի տարիներին իրենց լրատվամիջոցի դեմ արշավ սկսվեց. «Իշխանությունը պետք  դուրս գա ֆեյսբուքից և իրական կյանքով ապրի, աշխատի: Շատ հաճախ քննադատական նյութեր հրապարակելով՝ հայտնվում ենք իշխանությանը սիրահարված մասսայի թիրախում»:

Օհանյանի խոսքվ՝ իրենք ազատ արտահայտվելու խնդիր, նախորդ 10 տարիներին, երբեք չեն ունեցել: Նրանց համար չեն եղել անհասանելի կամ անձեռնմխելի մարդիկ ու իրավիճակներ:

«Հեղափոխությունից հետո մեր աշխատանքին սկսեցին խոչընդոտել: Որևէ ինֆորմացիա ստանալը ավելի բարդ է, ավելին՝ որևէ հարց ճշտելն է խնդիր: Ուստի, հաճախ հղում անում ենք մեր աղբյուրին: Նույնիսկ ինֆորմացիա  ճշտելու համար մեզ չեն պատասխանում»,- ասաց նա:

Օհանյանը նշեց, որ չգիտի, թե իշխանությունն այս տարբերակով ինչ է ուզում. «Թերևս այն, որ  մենք ոչ մի հրապարակում չանենք  իշխանության մեջ եղած մարդկանց մասին: Ամեն ինչ մնա մութ, չբացահայտված»: