Այս հիասքանչ պաշտոնյաների հետ ներկայացնում էինք ընտրական հանցագործությունների դեմ պայքարի մեթոդիկան. Իոաննիսյան

«Իրազեկ քաղաքացիների միավորում» ՀԿ ղեկավար Դանիել Իոաննիսյանը ֆեյսբուքյան իր էջում գրել է.

«ՀՀ Դատախազության, ՀՔԾ, ՔԿ և Ոստիկանության այս հիասքանչ պաշտոնյաների հետ Արցախի դատախազներին, քննիչներին, հետաքննիչներին, Ոստիկանության քրեականի պետերին և նույնիսկ հակահետախուզության ծառայողներին ներկայացնում էինք ընտրական հանցագործությունների դեմ պայքարի մեթոդիկան ու քրեաիրավական բնութագիրը:

Անդրադարձանք թե քվեարկության օրը և թե քարոզարշավի ժամանակ կատարվող հանցագործություններին: Առանձին խորացանք ընտրակաշառքի, թեկնածուների կողմից բարեգործության և վարչական ռեսուրսի չարաշահման բացահայտան մեխանիզմներին, ներկայացվեց Հայաստանի Հանրապետությունում ձևավորված փորձը:

Բանախոսները գալիք հանրաքվեի ժամանակ էլ են հակազդելու բոլոր հանցավոր երևույթներին, իսկ ունկնդիրները արդեն ունեն բոլոր կարողությունները Արցախում նույն բանն անելու համար»: