Արմեն Թավադյանը Մարտի 8-ի կապակցությամբ շնորհավորական ուղերձ է հղել

Հասարակություն 8 Մարտ, 2020 20:27

«5-րդ ալիք» ՀԸ սեփականատեր Արմեն Թավադյանը Մարտի 8-ի կապակցությամբ շնորհավորական ուղերձ է հղել.

«Գարնանային գեղեցիկ տոնի՝ կանանց միջազգային օրվա կապակցությամբ ի սրտե շնորհավորում եմ բոլոր կանանց, աղջիկներին, մայրերին, քույրերին՝ մաղթելով անսահման սեր, ընտանեկան ջերմություն, անամպ ու խաղաղ երկիք տարվա բոլոր եղանակներին:

Առանձնահատուկ կերպով ուզում եմ նաև շնորհավորել 5-րդ ալիքի աշխատակցուհիներին՝ նրանց ցանկանալով նորանոր հաջողություններ և ձեռքբերումներ:

Ջերմագին շնորհավորանքներս եմ հղում նաև այն կանանց, ովքեր վերջին երկու տարվա քաղաքական պայքարի բովում դրևսորեցին խիզախության և տոկունության անչափ պատվաբեր հատկանիշներ՝ պայքարելով Հայաստանում տիրող անարդարության և ամենաթողության դեմ: Անզիջում այդ կռվում անգամ դուք չկորցրեցիք ձեր քնքշությունը, կանացիությունն ու հայ կնոջ բարեկիրթ կեցվածքը, ինչն արժանի է մեծ հիացմունքի և գնահատականի:

Սիրելի՜ կանայք, Մարտի ութը հրաշալի առիթ է ևս մեկ անգամ երախտագիտություն հայտնելու ձեզ տղամարդկանց ուժ, եռանդ և լավատեսություն հաղորդելու համար:
Մնացեք միշտ հմայիչ, սիրված ու երջանիկ։

Հարգանքներով ՝ Արմեն Թավադյան»:

Հիշեցնենք, որ դեկտեմբերի 24–ին «5-րդ ալիք» հեռուստաընկերության սեփականատեր Արմեն Թավադյանին կալանավորել էին կազմակերպված խմբի կողմից վկային կամ տուժողին սուտ ցուցմունք տալու նպատակով կաշառելու կասկածանքով: