Սիփան Փաշինյանը ուղևորվեց Կուրթան գյուղ՝ Մեխակ Առաքելյանի ընտանիքին այցելության (տեսանյութ)
ՏեսանյութերԱԺ «Իմ քայլը» խմբակցության պատգամավոր Սիփան Փաշինյանը ուղևորվեց Կուրթան գյուղ՝ Մեխակ Առաքելյանի ընտանիքին այցելության։
Նշենք, որ ավելի վաղ պատգամավորը հայտարարել էր, որ լավ լուր ունի հայտնելու և, որ մանրամասների մասին կտեղեկացնի ավելի ուշ։
Հիշեցնենք, որ օրեր առաջ վարչապետ Նիկոլ Փաշինյանը «Այո»-ի քարոզարշավի ժամանակ կուրթանեցի երիտասարդին հանդիմանել էր այն բանի համար, որ նա, լինելով «առողջ տղամարդ», աշխատելու և տուն ստեղծելու փոխարեն իրեն է դիմում՝ ասելով՝ «Ոտք էլ ունես, ձեռք էլ ունես, գնա՝ աշխատի»։
Ավելի ուշ պարզ դարձավ, որ երիտասարդն, իրականում, առողջական լուրջ խնդիրներ ունի, որոնց պատճառով արդեն մի քանի տարի է՝ չի կարողանում աշխատել։
Այսօր արդեն, Սիսիանում քարոզարշավի ժամանակ վարչապետ Փաշինյանը հրապարակավ ներողություն խնդրեց Մեխակից և ՀՀ քաղաքացիներից։
«Ես ուզում եմ խոստովանել, որ երկու սխալ եմ թույլ տվել, ես գերագնահատել եմ մարդու առողջական վիճակը գնահատելու իմ ընդունակությունը, և թերագնահատել եմ այն հանգամանոքը, որ քաղաքացին, քանի որ խոսում է վարչապետի հետ, կարող էր կաշկանդվել ու ասել, որ, «գիտես ինչ, ես իրականում առողջական լուրջ պրոբլեմներ ունեմ» », - ասաց Փաշինյանը։
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
