Վանաձորի ինֆեկցիոն հիվանդանոց դիմած անձանցից մեկը «Գլորիա» կարի արտադրամասի պատվիրատուներից է. Փաստինֆո

Վանաձորի ինֆեկցիոն հիվանդանոց տեղափոխված անձանց շրջանակը քաղապետին հայտնի չէ։ Վանաձորի քաղաքապետ Մամիկոն Ասլանյանի խոսքով՝ հիվանդանոց դիմած անձանցից մեկն Իտալիայի քաղաքացի է, երկուսը նրա թարգմանիչները և նրանց հետ շփված ևս երկու անձ։ Այս մասին հայտնում է Փաստինֆո-ն:

«Մեր ունեցած տեղեկություններով այդ անձանցից մեկն Իտալիայից է վերադարձել։ Այստեղ «Գլորիա» կարի արտադրամասի պատվիրատուներից է, ոչ թե հենց ֆաբրիկայի ներսի աշխատող, այլ պատվիրատու։ Մենք էդպես գիտենք, որ տնօրեններից է»,-ասաց Մամիկոն Ասլանյանը։

Վերջինս չի տիրապետում հիվանդանոց դիմած անձանց անձնական տվյալներին։ Հարցին՝ արդյոք մյուս չորսը ՀՀ քաղաքացիներ են, Մամիկոն Ասլանյանն ասաց՝ հավանաբար այո։

Վանաձորի ինֆեկցիոն հիվանդանոց դիմած քաղաքացիները կթեստավորվեն, ինչից հետո պարզ կդառնա՝ նրանց մոտ կորոնավիրուս առկա է, թե ոչ։

Ավելի վաղ Առողջապահության նախարարությունից հայտնել են, որ Վանաձորի ինֆեկցիոն հիվանդանոց է տեղափոխվել 5 քաղաքացի, որոնք ունեցել են որոշակի գանգատներ