Արտակարգ դեպք Երևանում. Գեղամյանը դանակահարել է Գեղամյանին

Ոստիկանները պարզել են, որ ժամը 12:00-ի սահմաններում, Նորք-Մարաշ վարչական շրջանների Սերո Խանզադյան փողոցում վիճաբանության ժամանակ նշված փողոցի բնակիչ, 28-ամյա Գագիկ Գեղամյանը իր մոտ եղած խոհանոցային դանակով մի քանի անգամ հարվածել է նույն փողոցի բնակիչ, 51-ամյա Արսեն Գեղամյանին՝ գլխի և որովայնի մասերում: Վերջինս, ըստ բժիշկների հայտարարությամբ, ի վիճակի չի եղել կատարվածի մասին բացատրություն տալու: Ոստիկանության Մարաշի բաժանմունքի ծառայողները, օպերատիվ-հետախուզական միջոցառումների, այնուհետև՝ անցկացված բացատրական աշխատանքների շնորհիվ հայտնաբերում են Գ. Գեղամյանին, ով ինքնակամ ներկայացել է ոստիկանության Մարաշի բաժանմունք, որտեղ կատարվածի մասին բացատրություն տալուց հետո բաց է թողնվել: