«Մահացած» կինն արթնացել է թաղման բյուրոյում. ABC Color (լուսանկարներ)
Պարագվայի հարավում գտնվող Կորոնել Օվիդո քաղաքում մահացած կինն արթնացել է թաղման արարողության նախապատրաստական աշխատանքների ժամանակ: Այս մասին հայտնում է ABC Color-ը:
Ապրիլի 11-ին 46-ամյա Գլեդիս Ռոդրիգես Դուարտեն (Gladys Rodríguez de Duarte), ով ունեցել է քաղցկեղ, արյան բարձր ճնշումով տեղափոխվել է հիվանդանոց: Ժամեր անց բժիշկը հայտնել է նրա ամուսնուն՝ Մաքսիմինոյին, և դստերը՝ Սանդրային, որ Գլեդիսը մահացել է:
Բժիշկը՝ Վերան, մահվան վկայական է պատրաստել՝ մահվան պատճառ նշելով արգանդի վզիկի քաղցկեղը:
Բուժաշխատողները կնոջ մարմինը տեղադրել են դիակների համար նախատեսված պարկի մեջ և հարազատների համաձայնությամբ՝ այն ուղարկել թաղման բյուրո:
Սակայն, բյուրոյի աշխատակիցը նկատել է, որ կինը շարժվում է: Նրան անմիջապես տեղափոխել են հիվանդանոց և թողել բժիշկների հսկողության տակ:
Այժմ Գլեդիսի դուստրը մեղադրում է բժշկին պացիենտի նկատմամբ անուշադիր լինելու մեջ:
Գործի քննությունն ընթացքի մեջ է:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
