Ու այս ջրով ոռոգված այգիների պտուղներն ուտում են մեր երեխաները. Օլեգ Դուլգարյան (լուսանկարներ, տեսանյութ)
Հասարակություն
«Համայնքային համախմբման և աջակցության կենտրոն» ՀԿ ղեկավար Օլեգ Դուլգարյանը ֆեյսբուքյան իր էջում գրել է.
«Ախթալայից նոր ահազանգեցին, որ Ախթալայի գետակը հենց հիմա այս տեսքով է լցվում Դեբեդ գետը,
Ի դեպ, նախկինում նմանատիպ ահազանգները որևե էական տեղաշարժի չեն բերել:
Ըստ իմ կողմից կատարված դիտարկումների՝ ակունքներն այս երևույթների տասնամյակներով Ախթալայի ձորերում կուտակված բազմաթիվ թափոնակույտերն են, որոնց մաքրումն Ախթալայի համար կենսական նշանակություն ունի, որի համար դիմել եմ տարածքային կառավարման և ենթակառուցվածքների նախարարություն, աշխատանքային խումբ ստեղծելու առաջարկությամբ, որը կուսումնասիրի խնդիրը և կմշակի Ախթալան թափոնակույտերից մաքրելու ռազմավարություն։
Ախթալայի բոլոր թափոնակույտերը դիտարկվել են մեր կողմից և պատրաստվում է ֆոտոշտեմարան
Պատկերացնում եք, այս ջրերով տասնյակ գյուղեր ոռոգում են իրենց այգիները, մինչև Բագրատաշեն ու այդ այգիներից ստացված մթերքն ուտում են մեր երեխաները»:
Դուլգարյանը գրառմանը կից նաև տեսանյութ ու լուսանկարներ է հրապարակել:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
