Այս ընթացքում ԱԻՆ-ում ունեցել ենք 35 վարակակիր, որոնցից 20-ը բուժվել է. Ֆելիքս Ցոլակյան
ՀասարակությունՑավոք մեր համակարգում եւս կան վարակակիրներ, որոնք վարակվել են իրենց հարազատներից: Այս մասին պարետատան նիստից հետո կայացած ճեպազրույցի ժամանակ նշեց Արտակարգ իրավիճակների նախարար Ֆելիքս Ցոլակյանը:
Նրա խոսքով՝ այս ընթացքում ԱԻՆ 911 ծառայության կողմից սպասարկվել է միայն կորոնավիրուսով պայմանավորված 2264 ահազանգ: «Մեր քաղաքացիներից 244-ին տրվել է համապատասխան տեղեկատվություն, 983-ին տրվել է բժշկական խորհրդատվություն987-ին՝ հոգեբանական աջակցություն: Իմ հանձնարարությամբ ԱԻՆ հոգեբանական ծառայությունն անցել է հեռավար ծառայության: Այսինքն քաղաքացիները կարող են հոգեբանական աջակցություն ստանալ տեսակապի միջոցով՝ զանգելով 911»,-ասաց Ցոլակյանը՝ նշելով, որ ԱԻՆ ծառայությունների աշխատակիցների թիվը կրկնապատկվել է, իսկ 911 ծառայությունը գործում է շուրջօրյա:
«119 փրկարարներ համատեղ ծառայություն են իրականացնում ոստիկանների եւ առողջապահության նխարարության աշխատակիցների հետ՝ այցելելով մեկուսացման մեջ գտնվողն մեր հայրենակիցներին: 20 փրկարարական հաշվարկ ներգրավված է ողջ երկրում ազդարարման աշխատանքներին: Հանրապետությունում իրականացվել է շուրջ 47 հազար վարակազերծման աշխատանքներ:
Ցավոք մեր համակարգում եւս կան վարակակիրներ, որոնք վարակվել են իրենց հարազատներից: Այս ընթացքում ունեցել ենք 35 վարակակիր, որոնցից 20-ը բուժվել եւ վերադարձել են շարք: Նրանցից 15-ը դեռ գտնվում են բուժման մեջ: Ունենք 82 ինքնամեկուսացված»,-ասաց նախարարը՝ ընդգծելով, որ ցանկացած դեպքում՝ բոլորը կարող են զանգել 911, եթե ունեն աջակցության, օժանդակության կարիք»,- ասաց Ցոլակյանը:


















































Ամենադիտված
Ինչպիսի տեսք ունի բլոգեր Նինա Տիտանյանը՝ 30 կգ նիհարելուց հետո (լուսանկարներ)