Ռոբերտ Քոչարյանին աջակցելու համար «դավաճան» ճանաչված Սամվել Կարապետյանը նույն զանգվածի կողմից երեկ հերոսացվեց

Բլոգոսֆերա 19 Հուլիս, 2020 13:23

«Մեկ Հայրենիք» կուսակցության նախագահ Արթուր Ղազինյանն իր ֆեյսբուքյան էջում գրել է․

«Շաբաթներ առաջ Սամվել Կարապետյանը մասնակի վճարեց Ռոբերտ Քոչարյանի՝ դատարանի կողմից սահմանված աննախադեպ մեծ գրավը և վայրկյանական կազմակերպված «համազգային» քվեարկությամբ ճանաչվեց «դավաճան» ( թե ինչին կամ ում էր դավաճանել Կարապետյանը, բացարձակ կարևոր չէր):

Երեկ նույն Սամվել Կարապետյանը նույն զանգվածի կողմից հռչակվեց հերոս և մեծ հայ, քանի որ օգտագործեց իր հնարավորությունների 5%-ը և օգնեց իրացնել ադրբեջանցիների կողմից շուկայից դուրս քշված հայկական ծիրանի ամբողջ խմբաքանակը:

Նույն «համազգային քվեարկությամբ» երեկ Մարգարիտա Սիմոնյանը՝ իր կոպիտ և էմոցիոնալ գրառման պատճառով, հռչակվեց «ազգադավ դավաճան» (նորից պարզ չէ, թե ում կամ ինչին է դավաճանել Սիմոնյանը):

Հարկ է նշել, որ Մարգարիտա Սիմոնյանն ի զորու է միայնակ փոխել Ռուսաստանի լրատվական քաղաքականության վեկտորը և ազդել Ռուսաստանի ժողովրդի կարծիքի ձևավորման վրա:

Հիմա ուզում եմ պատկերացնել Սիմոնյանին շատ սուր քննադատող, հատկապես իմ կողմից շատ հարգված և ընդունված մարդկանց դեմքի արտահայտությունը, եթե Սիմոնյանը, ձեռքի թեթև շարժումով Ռուսաստանում ձևավորի բացարձակ հայամետ և հակաադրբեջանական տրամադրություն և այդ տրամադրոթյունը՝ իր ենթակայության տակ գտնվող «Russia today» անգլալեզու ալիքով հեռարձակի ամբողջ աշխարով:

Մարգարիտան դա կանի, ես չեմ կասկածում, բայց ի՞նչ են զգալու իրեն հրապարակավ վիրավորած ու հայհոյած մարդիկ, դժվար է ասել:

Մի ենթարկվեք զանգվածների գիտակցության մանիպուլյացիայի, սիրելի հայեր, հետո կփոշմանեք, բայց արդեն ուշ կլինի:

Մտածեք, եթե իհարկե դժվար չէ . . .»։