Վրաստանում ՀՀ դեսպանության հաղորդագրությունը բարեկամ պետություններին

Վրաստանում ՀՀ դեսպանությունը հատուկ հաղորդագրություն է տարածել Հունգարիայի կողմից Ադրբեջան արտահանձնված և նախագահ Իլհամ Ալիեվի հրամանագրով անմիջապես արդարացված Ռամիլ Սաֆարովի կապակցությամբ, ով կացնահարել էր հայ սպա Գուրգեն Մարգարյանին, հաղորդում է Грузия Online-ը ։

Հիշեցնենք, որ հիշյալ փաստի առնչությանբ ՀՀ կասեցրեց դիվանագիտական հարաբերությունները Հունգարիայի հետ, իսկ հանգստյան օրերին հայազգի հաքերները հարձակվեցին ադրբեջանական ԶԼՄ-ների և մի շարք պետական կայքերի վրա։

Եվ այսպես ստորև ներկայացնում ենք ՀՀ դեսպանության տարածած հաղորդագրությունը ամբողջությամբ.

« 2012 թվականի օգոստոսի 31-ին Հունգարիայի իշխանությունները իրականացրեցին Ռամիլ Սախիբ Սաֆարովի արտահանձնումը Ադրբեջան։ Սաֆարովը՝ դա ադրբեջանական բանակի սպա է, ով կացնահարել է հայ սպա Գուրգեն Մարգարյանին։
Այդ սահմերկեցուցիչ հանցագործությունը տեղի է ունեցել 2004 թվականի փետրվարի 19-ին՝ Հունգարիայի տարածքում։ Հանցագործության դրդապատճառը բացառապես սպանվածի էթնիկական ծագումն էր։ Սպանությունը տեղի է ունեցել այն ժամանակ, երբ Մարգարյանը քնած էր։
Մոլագար մարդասպանի խելացնոր գաղափարի երկրորդ զոհը կարող էր դառնալ երկրորդ հայ սպան։

Բոլոր սպաները մասնակցում էին ՆԱՏՕ-ի Համագործակցություն հանուն խաղաղության ռազմական անգլերենի դասընթացներին։
Չնայած, որ հունգարական դատարանը Սաֆարովին դատապարտել էր ցմահ ազատազրկման առանց համաներման իրավունքի մինչև 2036 թվական, մարդասպանը արտահանձնվեց Ադրբեջանին և նույն օրը նախագահ Իլհամ Ալիեվի հրամանագրով ազատ արձակվեց և հասարակության կողմից ընդունվեց որպես ազգային հերոս։

Խորը հիասթափությամբ նշում ենք, որ Սաֆարովի ազատ արձակումը արդյունքն էր գաղտագողի և կեղտոտ գործարքի՝ Ադրբեջանի և Հունգարիայի իշխանություններին։

Անընդունելի է, երբ արդարություն, պատիվ և արժանապատվություն արժեքները վերածվում են այլ նպատակներ հետապնդող առուծախի առարկա։ 

Առավել հիասթափեցնում է այն փաստը, որ այսպիսի գործարքի իրականացմանը մասնակցում է մի պետություն, ով մասն է կազմում ՆԱՏՕ-ի և Եվրոմիության։

ՀՀ Նախագահ, գերագույն հրամանատար Սերժ Սարգսյանն իր հերթին անցկացրեց Ազգային անվտանգության խորհրդի արտահերթ նիստ նպատակաուղղված Սաֆարովի արտահանձման և արդարացման կապակցությամբ պետության հետագա քայլերի քննարկմանը

ՀՀ ԱԳՆ հաղորդեց Հունգարիայի գործընկերներին՝ դիվանագիտական հարաբերությունների կասեցման որոշման մասին։

Նախագահ Սարգսյանը արտահերթ հանդիպում ունեցավ նաև Հայաստանում գործող դիվանագիտական առաքելությունների ղեկավարների հետ, տեղեկացնելով այդ հարցի շուրջ ՀՀ դիրքորոշման վերաբերյալ։

Հիմվելով վերոնշյալ հայտարարության բովանդակության վրա մենք ակնկալում ենք բոլոր այն պետություններից, որոնց հետ մենք համագործակցում ենք՝ միանշանակ և անաչառ պատասխան և արդարացի դիրքորոշում մարդասպանի աննախադեպ արտահանձման և արդարացման շուրջ»։