«Հայ համայնքներն անտեր չեն». Ռուբեն Սաֆրաստյան

Արևելագետ Ռուբեն Սաֆրաստյանը կարծում է, որ Հայաստանի Հանրապետությունը, ինչքան էլ չեզոքություն պահպանի տարատեսակ հակամարտությունների և իրադարձությունների ժամանակ, պետք է հստակ վերաբերմունք արտահայտի, երբ իրադարձությունները ծավալվում են այնպիսի երկրներում, ուր հայկական համայնքներ կան։

«Մեր արտաքին քաղաքականության մեջ ճիշտ է և անհրաժեշտ է պաշտպանել հայերին։ Սփյուռքում ապրող հայերը պետք է զգան, որ իրենց թիկունքին կա պետություն, թեկուզ և փոքր։ ՀՀ-ն պիտի հստակորեն պաշտպանի բոլոր երկրներում ապրող հայերին, որպեսզի այդ հեղափոխվող երկրներում էլ բոլորը հասկական, որ հայերն անտեր չեն, նրանց կողքին ինքնիշխան պետություն կա, և իրենք իրենց ուզածի պես վարվել չեն կարող», - այսօր լրագրողներին ասաց Ռուբեն Սաֆրաստյանը։