Եղիսաբեթ II-ը հրամայել է նախապատրաստվել արքայազն Հարրիի հետ դատավարությանը

Մեծ Բրիտանիայի Եղիսաբեթ II թագուհին հանձնարարել է իր օգնականներին պատրաստել դատարան դիմելու ծրագիր, եթե նրա թոռնիկի՝ արքայազն Հարրիի կամ նրա ամերիկուհի կնոջ՝ Մեգան Մարքլի հայտարարությունները զրպարտություն համարվեն: Այդ մասին հաղորդել է The Sun թերթը՝ վկայակոչելով Բուքինհեմյան պալատի անանուն աղբյուրը:

«Թագավորական ընտանիքի սկզբունքներից մեկն այն ​​է, որ ամեն ինչ սահման ունի», - ասել է աղբյուրը թերթին՝ հավելելով, որ Նորին Մեծությունը «բարկանում է անընդհատ հարձակումներից»: «Հարրին և Մեգանը կտեղեկացվեն, որ կրկնվող հարձակումներն այլևս չեն հանդուրժվելու», - հավելել է աղբյուրը:

Նրա խոսքով՝ «թագավորական ընտանիքի փաստաբանների խումբը խորհրդակցում է զրպարտության և գաղտնիության հարցերում մասնագիտացած ընկերությունների հետ»: Հիմնական ուշադրության կենտրոնում այն հուշագրություններն են, որոնք, ինչպես հաղորդվում է, արքայազն Հարին դեռ հուլիսին է սկսել: Բրիտանական գահի ժառանգորդը՝ Ուելսի արքայազն Չարլզը, առաջին անգամ խոստացել է մանրամասն պատմել իր «փորձառությունների, արկածների, կորուստների և կյանքի դասերի մասին»: Գիրքը պետք է հրատարակվի 2022 թվականի վերջին՝ ամերիկյան Penguin Random House հրատարակչության կողմից:

«Եթե գրքում ինչ-որ մեկը նշված է և ուղղակիորեն մեղադրվում է ինչ-որ բանում, դա կարող է զրպարտություն լինել և անձնական ընտանեկան կյանքի անձեռնմխելիության իրավունքի խախտում», - ասել է աղբյուրը՝ հավելելով, որ նախազգուշացում կարող է ուղարկվել նաև հրատարակչությանը: Ինչպես պարզաբանում է The Sun-ը, Բուքինհեմյան պալատը հրաժարվել է պաշտոնապես մեկնաբանել հրապարակումը: