Աֆղանստանի նախկին նախարարը Գերմանիայում պիցցա առաքող է դարձել

Աֆղանստանի կապի և տեղեկատվական տեխնոլոգիաների նախկին նախարար Սայեդ Ահմադ Շատ Սաադաթը որպես առաքիչ է աշխատում Գերմանիայի Լայպցիգ քաղաքում, հայտնում է EHA News-ը:

Ըստ պորտալի՝ Աֆղանստանի նախկին նախարարը Lieferando առաքման ծառայության աշխատակից է և հեծանիվով պիցցա է առաքում:

Ըստ Leipziger Volkszeitung-ի՝ 2018 թվականից Սաադաթը եղել է Նախարարների կաբինետի անդամ նախկին նախագահ Աշրաֆ Ղանիի օրոք: Սաադաթը պատասխանատու էր գյուղական բնակչության շրջանում բջջային ցանցի ընդլայնման համար:

2020 թվականին Ղանիի կառավարությունը ստիպեց նրան հրաժարական տալ այն բանից հետո, երբ Սաադաթը հրաժարվեց իր գերատեսչությունից ֆինանսավորում փոխանցել թալիբների դեմ պայքարի կառավարության ռազմավարությանը: Արդյունքում՝ նախկին նախարարը տեղափոխվեց Գերմանիա, որտեղ նա սկսեց նոր կյանք: