Գազի գինը սեպտեմբերին ռեկորդային աճ կգրանցի

Եվրամիությունում 1000 խմ գազի գինը մինչև սեպտեմբեր կարող է բարձրանալ մինչև 4000 դոլար։ Այս մասին գրում է «Известия» թերթը՝ վկայակոչելով BitRiver-ի արտաքին կապերի գծով տնօրեն Անդրեյ Լոբոդային։

Փորձագետի կարծիքով, գազի գնի ցատկ մինչև այդպիսի նշագիծ կարող է տեղի ունենալ ռուսական գազի արտահանման կրճատման և էներգառեսուրսների պահանջարկի աճի դեպքում հաջորդ ջեռուցման սեզոնի սկզբի ֆոնին։

Ավելի վաղ հաղորդվել էր, որ օգոստոսի 22-ի արդյունքներով՝ հաշվարկային գինը հասել է ռեկորդների Եվրոպայում գազային հանգույցների շահագործման ողջ պատմության մեջ՝ սկսած 1996 թվականից՝ հասնելով հազար խորանարդ մետրի դիմաց 2861,6 դոլարի: 

Օգոստոսի 19-ին «Գազպրոմը» հայտարարեց, որ օգոստոսի 31-ից մինչև սեպտեմբերի 2-ը դադարեցնում է գազի մատակարարումը Nord Stream-ի միջոցով՝ Պորտովայա կոմպրեսորային կայանում գազի պոմպակայանի պահպանման պատճառով: Այս հայտարարությունից հետո Եվրոպայի բորսայում գազի գինը գերազանցեց 2700 դոլարը։