Թրամփի կալվածքում ավելի քան 300 գաղտնի փաստաթուղթ է պահվում. NYT

ԱՄՆ նախկին նախագահ Դոնալդ Թրամփը Ֆլորիդայում գտնվող Մար-ա-Լագոյի իր կալվածքում պահել է առնվազն 300 գաղտնի փաստաթուղթ, հայտնում է The New York Times-ը: Նրա խոսքով, Սպիտակ տան նախկին ղեկավարը հունվարին մոտ 150 գաղտնի փաստաթուղթ է փոխանցել ԱՄՆ Ազգային արխիվների և գրանցումների վարչությանը, մնացած գաղտնի տեղեկություններով նյութերը Թրամփի ներկայացուցիչները հունիսին հանձնել են ԱՄՆ արդարադատության նախարարություն և օգոստոսի սկզբին նաև առգրավվել են Մար-ա-Լագոյում խուզարկության ժամանակ:

Հրատարակության տվյալներով՝ ներկայումս ԱՄՆ վարչակազմի ներկայացուցիչներն ունեն Թրամփի մոտ պահվող 26 արկղ նյութեր, որոնցից՝ գաղտնի նյութերի 11 հավաքածու, այդ թվում՝ «հույժ գաղտնի» մակագրված մեկ հավաքածու։ Վերադարձված գաղտնի նյութերի թվում են եղել Կենտրոնական հետախուզական վարչության, Ազգային անվտանգության գործակալության և Հետաքննությունների դաշնային բյուրոյի փաստաթղթերը: