Ուկրաինացի զինվորականները ռուսական զորքերի դեմ մարտերը «դժոխք» են անվանել. Le Figaro

Ուկրաինայի զինված ուժերի զինծառայողները Դոնբասում ռուսական զորքերի դեմ մարտերն անվանել են «դժոխք»։ Այդ մասին գրում է ֆրանսիական Le Figaro թերթը։

Ուկրաինացի զինվորականները, որոնք տեղակայված են Կիևի կողմից վերահսկվող Կրամատորսկում, ֆրանսիացի լրագրողներին բողոքել են ռուսական հրետանու գերազանցությունից։ Նրանցից մեկն ասել է, որ Ուկրաինայի ԶՈւ դիրքերը գնդակոծվում են օրական 40-60 անգամ, մինչդեռ ուկրաինական կողմը կարողացել է պատասխանել միայն 10 համազարկով։ Զինծառայողները նաև հայտնել են, որ իրենք երբեք չեն օգտագործել արտասահմանյան Caesar հրացաններ, M-777 հաուբիցներ կամ HIMARS հրթիռային կայաններ։