Բժիշկը պատմել է, թե ինչպես է սեքսից հրաժարվելն ազդում տղամարդկանց առողջության վրա

Երկարատև սեռական ձեռնպահությունը հղի է իմպոտենցիայով, շագանակագեղձի խնդիրներով և սրտանոթային հիվանդություններով: Այս մասին Gazeta.ru-ին ասել է հոգեբան, սեքսապաթոլոգ Ռեգինա Սպիրիդոնովան։

«Տղամարդկանց համար սեռական հարաբերություն չունենալը լուրջ հետևանքներ է ունենում։ Շատ երկար ձեռնպահ մնալը հղի է իմպոտենցիայով: Տղամարդկանց մոտ, ովքեր անտեսում են կանոնավոր սեռական կյանքը, սերմի որակը կտրուկ փոխվում է, և ոչ դեպի լավը: Սերմնահեղուկը կուտակվում է մարմնում, իսկ շագանակագեղձի սեկրեցիան, դրա հետ խառնվելու փոխարեն, մտնում է արյան մեջ։ Արդյունքում, ամորձիների ակտիվությունը նվազում է», - բացատրել է Սպիրիդոնովան:

Սեքսապաթոլոգի խոսքով՝ սեքսից հրաժարվելը կարող է հանգեցնել նաև շագանակագեղձի հետ կապված խնդիրների։ «Պատճառը նույնն է՝ շագանակագեղձի սեկրեցիայի կուտակում, որը պետք է արտազատվի սերմնահեղուկի հետ, և արյան լճացում կոնքի օրգաններում։ Սեռական ժուժկալությամբ զբաղվող տղամարդկանց մոտ նման խնդիրների առաջացման վտանգը 2-3 անգամ ավելանում է»,- հավելել է նա։

Տղամարդկանց մոտ սեքսից հրաժարվելու հետևանք կարող է լինել նաև թութքի, պրոստատիտի և սրտանոթային համակարգի խանգարումների զարգացումը։ «Սեկրեցիայի կուտակումը սպառնում է նաև թութքի և պրոստատիտի առաջացմանը։ Բացի այդ, սեռական ժուժկալությունը մեծապես ազդում է սրտանոթային համակարգի վրա։ Սեռական կյանքի երկար բացակայության պատճառով սեռական օրգանների հյուսվածքները թթվածնի պակաս ունեն, ինչը հանգեցնում է արյունատար անոթների խցանմանը։ Այստեղից էլ սրտանոթային խանգարումներ»,- եզրափակել է բժիշկը։

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար)