Արքայազն Հարիի և Մեգան Մարքլի որդին քիչ է մնացել մահանա հրդեհի հետևանքով
Այլ
Բրիտանացի արքայազն Հարիի և նրա կնոջ՝ Մեգան Մարքլի երեխան քիչ է մնացել մահանա հրդեհի հետևանքով, երբ նրա ծնողները բացակայում էին։ Այս մասին հայտնում է Metro հրատարակությունը։
Մեգան Մարքլը Archetypes-ի իր փոդքաստում հայտնել է, որ դեպքը տեղի է ունեցել 2019 թվականին, երբ ինքը և արքայազն Հարրին պաշտոնական այցով մեկնել էին Աֆրիկա։ Նրանց որդին՝ Արչին, որն այն ժամանակ չորսուկես ամսական էր, մնացել էր Մեծ Բրիտանիայում՝ ծառաների հետ։
Մարքլի խոսքով՝ ինքն ու իր ամուսինն իմացել են հրդեհի մասին Զիմբաբվեի Նյանգա քաղաքում ելույթ ունենալուց հետո։ Նրանց ծանուցել են, որ վառվել է տաքացուցիչն այն սենյակում, որտեղ պետք է քներ Արչին։ Ծխի հոտը զգացել է միջանցքով անցնող աշխատակիցներից մեկը, ուստի հրդեհը ժամանակին մարվել է։
Բարեբախտաբար, հրդեհի ժամանակ Արչին սենյակում չի եղել։ Դայակը, ով պետք է նրան քնեցներ, որոշել էր խորտիկ ուտել և երեխային տարել էր իր հետ։
Մարքլը պնդում է, որ այդ լուրը ցնցել է և՛ իրեն, և՛ Հարրիին, սակայն նրանք ստիպված են եղել շարունակել այցը և մասնակցել պաշտոնական միջոցառումներին, կարծես ոչինչ չի եղել։
Արքայազն Հարին և Մեգան Մարքլը երկու երեխա ունեն: Նրանց ավագ որդին ծնվել է 2019 թվականին: 2021 թվականին բրիտանական թագավորական ընտանիքի անդամների լիազորությունները թողնելուց և ԱՄՆ տեղափոխվելուց հետո զույգը դուստր է ունեցել:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
