ԱՄՆ-ն Ուկրաինայի Անկախության օրվա առթիվ կհայտարարի 3 մլրդ դոլարի ռազմական օգնության փաթեթի մասին

ԱՄՆ-ն Ուկրաինայի անկախության օրը կհայտարարի Կիևին 3 միլիարդ դոլարի ռազմական օգնության փաթեթի մասին, հայտնում է Associated Press-ը։

Ավելի վաղ ԱՄՆ պետքարտուղար Էնթոնի Բլինկենը հայտարարել էր, որ նախագահ Ջո Բայդենի վարչակազմի օրոք ԱՄՆ-ի կողմից Ուկրաինային հատկացվող ռազմական օգնության ընդհանուր ծավալը գերազանցել է 10 միլիարդ դոլարը։ Այս մասին նա հայտարարել է ճեպազրույցում։

Մինչ այս՝ Պենտագոնը հայտարարել էր, որ ԱՄՆ-ն մտադիր է մինչև 775 մլն դոլար հատկացնել Ուկրաինային՝ որպես ռազմական օգնության մաս և զինամթերք տրամադրել HIMARS բազմակի հրթիռային համակարգերի համար:

ԱՄՆ-ը Կիևին կտրամադրի նաև 1500 հակատանկային հրթիռ, HARM հակատանկային հրթիռ և 1000 Javelin հակատանկային հրթիռային համալիր։ Նշվում է, որ օգնություն կտրամադրվի ԱՄՆ նախագահ Ջո Բայդենի հրամանագրով։