Խաղողի մթերման պայմանագրերի մեծ մասն արդեն կնքված է. նախարար
Տնտեսություն
Մինչ խաղողաքաղի մեկնարկը մթերման պայմանագրերի մեծ մասն արդեն կնքված է, լրագրողների հետ զրույցում այս մասին ասաց ՀՀ էկոնոմիկայի նախարար Վահան Քերոբյանը:
«Մենք սերտ համագործակցում ենք խաղող մթերողների և աճեցնողների հետ և համագործակցության արդյունքում այս տարի ունենք անհամեմատ դրական վիճակ: Մթերման գործընթացից առաջ պայմանագրերի մեծ մասն արդեն կնքված է: Ավելի փոքր քանակի աճեցնողներ կան, որոնք դեռ պայմանագրեր չունեն, այժմ աշխատում ենք, որպեսզի մինչև մթերման սեզոնի սկսվելը նրանց նույնպես ապահովենք մթերման պայմանգրերով»,- ասաց նախարարը:
Քերոբյանն ընդգծեց՝ ամեն ինչ արվում է, որ երկու կողմերն էլ մթերման սեզոն մտնեն արդեն ամբողջությամբ կնքված պայմանագրերով, ինչն, իհարկե, շատ մեծ ապահովություն, վստահություն և փոխադարձ հավատ կստեղծի երկու կողմերի միջև:
Նա հավելեց նաև, որ այս տարի բավականին լավ բերք է աճեցվել, վերջին տարիներին սկսել է ավելանալ գինեմետ սորտի խաղողի բերքը, որն, իհարկե, գինի դառնալու շատ ավելի մեծ պոտենցիալ ունի: Այն դրական ազդեցություն ունի գինեգործության համար, քանի որ իրենք սևեռված են նաև գինեգործության ոլորտը էապես զարգացնելու ուղղությամբ:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
